Azərbaycan atalar sözləri/G

←F

Azərbaycan atalar sözləri Müəllif: Şifahi xalq ədəbiyyatı

H→

Həmçinin baxın: Haqqında • < Mündəricat

• Geç gəldi, tez öyrəndi.
• Geç gələn qonaq olduğundan yeyər.
• Gecə dırnaq kəsən, gündüz nağıl danışan əlbət gora gedər.
• Geçə gəldi, necə gəldi.
• Gecə gəldi, gecə getdi, necə gəldi, necə getdi!
• Gecə-gündüzüm bir olub.
• Gecə keçər, gündüz gələr.
• Geçə qara, cücə qara.
• Gecə şərab, gündüz qumar, bu əməllə sənət umar.
• Gecəni gündüzə qatmışam.
• Gecənin xeyrindən gündüzün şəri yaxşıdır.
• Gecəsi-gündüzü yoxdur.
• Gədadan bəy olmaz.
• Gədadan borc alma, ya toyda istər, ya bayramda.
• Gədaya borclu olsan, bir toyda deyər, bir də yasda.
• Gedən bağdan gedər, bağbandan nə gedər.
• Gedənə yoldaş, gələnə qardaş.
• Gedəni saxlamaq olmaz.
• Gedər bağlar qorası, qalar üzlər qarası.
• Gedər bu aclıq, gələr ucuzluq, amma səndə qaldı kömbə yanığı.
• Gen qaz, dərin qaz, özün düşərsən.
• Gendən baxana döyüş asan görünər.
• Get çanağım, gəl çanağım, ortalıqda sın çanağım.
• Get özünə dost qazan, düşmən ocaq başındadır.
• Getdi - görə bilməzsən, yıxdı - hörə bilməzsən, onu ki, sən deyirsən, onu daha görməzsən.
• Getdim dərdli yanına, o, məndən narın ağladı.
• Getdim savab edəm, günaha batdım.
• Getdim yarım yanına, qadam cicim canına.
• Getmə gözümdən, gedərəm özümdən.
• Getməsin o yaman ki, yerinə yaxşı gəlməz.
• Getmişdi kabab iyinə, gördü ki, eşşək dağlayırlar.
• Geyişməyən yerdən qan çıxarma.
• Gədadan bəy olmaz.
• Gədadan borc alma, ya toyda istər, ya bayramda.
• Gəl bir addım, gəlim iki addım.
• Gəl bu daşı ətəyindən tök!
• Gəl deməsi yaxşıdır, get deməsi pis.
• Gəldi əcəl, verməz macal.
• Gəldi-gedəri saxlamaq olmaz.
• Gəldi qaşın qayırsın, vurdu gözün cıxartdı.
• Gəldi — qatıq, gəlmədi — ayran.
• Gələcəyin var, görəcəyin də var.
• Gələn adam qismətinə gələr.
• Gələn gedənin dədəsinə rəhmət oxudur.
• Gələn qismətini yeyər.
• Gələndə yel gətiri, el gətiri, sel gətiri, gedəndə yel aparı, el aparı, sel aparı.
• Gələnə yoldaş, gedənə qardaş.
• Gəlin anasına həm ağlar, həm də "gedirəm* deyər.
• Gəlin atda, qisməti yadda.
• Gəlin atlandı, gör kimə düşdü.
• Gəlin bəzənənəcən toy sovuşdu.
• Gəlin bəzənincə toy əldən gedər.
• Gəlin gəlin deyil, gəldiyi yer gəlindir.
• Gəlin mənim süpürgəmdir, harda istəsəm orda oturar.
• Gəlin ocağa, bərəkət bucağa.
• Gəlin ocağa çəkər.
• Gəlin ocağa gələr.
• Gəlin oldun, dilini çək.
• Gəlin var gələr-gətirər, gəlin var gedər - itirər.
• Gəlindən qız olmaz.
• Gəlinin dini yox, qaynananın imanı.
• Gəlmisən ayran içməyə, gəlməmisən ara açmağa.
• Gəlmişdi kabab iyinə, gördü eşşək dağlayırlar.
• Gəlmişdi qazanc apara, mayanı da qoydu, getdi.
• Gəlmişdi saqqal dalınca, bığını da qoydu getdi.
• Gəmidə oturub gəmiçi ilə dava eləmə.
• Gəmisini batıran, çarığını axtarmaz.
• Gənclik gözəllik deməkdir.
• Gənclik ömrün baharıdır.
• Gənəşəkli don gen olar.
• Gəzdim İran, Turanı, cənnət gördüm buranı.
• Gəzən ayağa daş dəyər.
• Gəzən qızın qazancı ənlik-kirşana gedər.
• Gəzən şələ bağlamaz.
• Gəzər divanı-divanə, parası olmayan dərviş.
• Gəzərdə — qoyun əti, onun da boyun əti.
• Gəzəyən gəlinlə güləyən qızdan çarşı-bazardakı lotu yaxşıdır.
• Gəzəyən qızdan gəlin olmaz.
• Gicin buynuzu olmaz.
• Gilas bağın olsa, bilərsən sığırçın necə quşdur.
• Girirəm yaylağından, çıxıram qışlağından.
• Gizli düşmən ilan kimidi, sürünə-sürünə gələr.
• Gizlin kələ gedən aşkar doğar.
• Gordan biz gəlirik, cəhənnəmdən sən xəbər verirsən
• Goru var ki, kəfəni də ola.
• Gödək atıldı vurdu uzunun başına; uzun dedi: "əcəb yadıma saldın".
• Gölməçəyə su gəlincə qurbağanın gözləri bərələr.
• Gönü suya vermə, verdin heyfsilənmə.
• Gördü — hənək, görmədi — gerçək.
• Gördün yemək, daha nə demək?!
• Gördüyünü qoyub eşitdiyinə inanma.
• Görən gözə kül üfürmə.
• Görən gözə yasaq olmaz.
• Görən gözün haqqı var, görən görüb götürər.
• Görənin gözün töküncə, götürənin əlin kəs.
• Görmədiyin yükün altına girmə.
• Görməmiş gördü, gülə-gülə öldü,
• Görməmiş gördü gümüş, oldu qudurmuş.
• Görməmişə at versən, çapıb-çapıb öldürər.
• Görməmişin oğlu oldu, vurdu gözün çıxartdı.
• Görməyə gözü var, eşitməyə qulağı.
• Görsənən dağ bələdçini neyləyir?
• Göpülmüş işdən gül iyi gələr.
• Görünən dağ uzaq deyil.
• Görünən kənd bələdçi istəməz.
• Görülmüş işdən gül iyi gələr.
• Göy ağlamayınca, yer gülməz.
• Göydən nə yağdı ki, yer onu qəbul eləmədi?!.
• Göyçək arvadlı ilə, yorğa atlıya yoldaş olma.
• Göyçək sözün ardı tükənməz.
• Göydə axtarırdım, yerdə əlimə düşüb.
• Göydən zənbil ilə düşməz.
• Göyə tüpürmə, üzünə tökülər.
• Göz gördü, könül sevdi, mənim nə günahım var?!.
• Göz gördüyündən qorxar.
• Göz gördüyünə inanar.
• Göz görməsə könül sevməz.
• Göz görməz, üz utanmaz.
• Göz qənimini tanıyar.
• Göz namərddir; qorxudar.
• Göz yaşı da borcdandı.
• Gözdə olmayan könüldə də olmaz.
• Gözdən iraq, könüldən uzaq.
• Gözdən uzaq olan könüldən də uzaq olar.
• Gözə gəlməyən gəlinin salamı savaşdır.
• Gözəl ağa çox gözəl idi, vurdu çiçək də çıxatdı.
• Gözəl arvad şıltaq olar.
• Gözəl aşı tez bişər.
• Gözəl bürünər, çirkin görünər.
• Gözəl eyibsiz olmaz.
• Gözəl görünər, çirkin bürünər.
• Gözəl göz üçün, ağıllı könül üçün.
• Gözəl gözəl deyil, könül sevən gözəldir.
• Gözəl kamallı gərək.
• Gözəl nazlı gərək.
• Gözəl sevməyə tövbə olmaz.
• Gözəldə etibar olmaz.
• Gözələ baxmaq göz qaydasıdır.
• Gözələ baxmağın könül səfası var.
• Gözələ göz dəyər, qəlbə söz.
• Gözəllər çox iş görərlər, soyarlar adamı, dərviş edərlər.
• Gözəllərdə vəfa olmaz.
• Gözəllik baş taçıdır, hər adama qismət olmaz.
• Gözəllik qarın doyurmaz.
• Gözəllik ondur, doqquzu dondur.
• Gözəllik vardan olar, olmasa - hardan olar?!
• Gözləmədiyin daş, yardı baş.
• Gözlərin aydın olsun, pişiyimiz oğlan doğub!
• Gözsüz yaşamaq olar, amma Vətənsiz yox.
• Gözü ancaq torpaq doyurar.
• Gözü ilə görən tanrıdan yaxşı bilər.
• Gözü ilə görür, dili ilə istəyir.
• Gözü tox olanın könlü də tox olar.
• Gözü yolda, qulağı səsdə.
• Gözüm səndən su içmir.
• Gözün alışmadığı işə girişmə.
• Gözünün yaşına baxaq, ya əlinin daşına?!
• Guşə daşı yerdə qalmaz.
• Güc birlikdədir.
• Güclü gücsüzdən qisas almaz.
• Güclü günahkar olmaz.
• Güclü yanında gücsüz günahkar.
• Güclüyə nə duz, nə çörək?!
• Gücü çatana donuz güddürür.
• Gücü gücümdən çox, ağlı ağlımdan az.
• Gücün çatmayan işə girişmə, gücə düşərsən.
• Gücünə bax, şələni bağla.
• Gücünə görə şələ bağla.
• Gül, bülbüldən artıq insan əlindən çəkər.
• Gül əzizdirsə, gülşən ondan əzizdir.
• Gül getdi xar qaldı, güldən yadigar qaldı.
• Gül istəyən, tikanın da istəsin gərək.
• Gül qönçədə qalmaz, söz qəlbdə.
• Gül o qədər bitib, reyhan harada itib.
• Gül olmayan yerdə böyürtkən özünü gül sanar.
• Gül solanda bülbül ağlar.
• Gül tikansız, dərə ilansız, səfa cəfasız olmaz.
• Gül tikansız olmaz.
• Güldən ağır söz demək olmur.
• Güldən gül iyi gələr.
• Güllüyün gülü beş günlükdür.
• Gülmə gülünc olana, özün gülünc olarsan.
• Gülmə qonşuna, gələr başına.
• Gülü get güllükdən gətir.
• Gülü yad etdikcə, bülbülün fəryadı artar.
• Gülün qədrin bülbül bilər, nə bilər hər divanə.
• Gülün qədrini bülbül bilir.
• Gülünə bax, qönçəsini dər.
• Güman gəlməyən yerdən tülkü çıxar.
• Gün altında yatmayan kölgənin qədrini bilməz.
• Gün çıxar, aləm görər.
• Gün doğuşundan bəllidir.
• Gün girən evə həkim girməz.
• Gün girməyən evə həkim girər.
• Gün görməyən günü gördü, durdu çıraq yandırdı.
• Gün hansı tərəfdən çıxıb?
• Gün keçər ömür gedər, dəli sevinər ki, bayram gəlir.
• Gün o gün deyil, dünya o dünyadır.
• Gün öz işığını heç kəsdən əsirgəməz.
• Günah öləndə olar, öldürəndə yox.
• Günahkar oldu lələ, saqqalı verdi ələ.
• Günbəz görür, elə bilir içində imamzadə var.
• Gündə bir söz eşitməsəm, qulaqlarım tutular.
• Gündə-gündə, bir gün səndə, bir gün məndə.
• Gündüz çıraq yandıran, axşam qaranlıqda qalar.
• Gündüz getmədiyin yolu gecə getmə.
• Gündüz gəzər obanı, gecə sancar dabanı.
• Gündüz şam yandıran gecə şamsız yatar.
• Günü günə satmazlar.
• Günü günüdən günü əsirgər.
• Günü gününün ölümün istər.
• Günü xoş geçənə Tanrı da xoş baxar.
• Günüm yoxdur, günüm var.
• Güvəs daşa toxunsa — vay güvəsin halına, daş güvəcə toxunsa — vay güvəcin halına.
• Güvəc görməyən qazan görəndə xorlar.
• Güvqazan bahası.
• Güvəci ya sındır, ya dağdan yuvarlat.
• Güvəndiyim alçacıq dağr

Mənbə

• Ağıla və qəlbə işıq saçan sözlər. Bakı,2014