Mehdi Məmməd oğlu Mehdizadə (d. 5 yanvar 1903, Daşkəsən, Cəbrayıl qəzası, Yelizavetpol quberniyası, Rusiya İmperiyası – ö. 1 may 1984, Bakı, Azərbaycan SSR) — akademik, tanınmış Azərbaycan pedaqoqu, alim və maarifçi. Azərbaycan SSR-nin xalq maarifi naziri.
Akademik Mehdi Mehdizadə mənim xatirimdə güclü bir nazir, pedaqogika sahəsində tanınmış alim, şərəfli bir müəllim və şəxsiyyət, ləyaqətli insan, gözəl ailə başçısı kimi qalıb, özü də hər çeydən əvvəl, yüksək ixtisas biliyi, səriştəsi, işlədiyi və rəhbərlik etdiyi sahədə mötəbər nüfuzu, təcrübəsi və siqləti olan şəxs kimi…[1]
Akademik Mehdi Mehdizadə öz şəxsiyyəti, şəxsı nümunəsi ilə hər yerdə, hər zaman yüksək pedaqoji etikanı nümayiş etdirirdi. Yüksək dərəcədə mədənilik, düzlük, paklıq, ədalət, qayğıkeşlik, səmimiyyət, təvazökarlıq onun şəxsiyyətinin heyrətamiz cəhətləri idi…[2]
Azərbaycanın görkəmli elm, maarif, ictimai xadimləri arasında xüsusi mövqeyi və dəst-xətti olan akademik M. Mehdizadə eyni zamanda təbiətən yüksək ziyalılıq mədəniyyəti ilə daha çox diqqəti cəlb edirdi…[3]
Mehdi müəllim ömrünün son günlərinədək haqqa, ədalətə, sadiq qaldı. Haqqın, ədalətın carçısı oldu. Bu ali insani keyfiyyətlər onun canına, qanına hopmuşdu.[4]
Mehdi müəllimin zəngin pedaqoji irsi, bir-birindən dəyərli, fundamental əsərləri xalq maarifinin, pedaqogika elminin ən müasir problemlərinin tədqiqi, həlli yolunda karımıza gəlir, ziyası tükənməyən bir mayak kimi bizə doğru, düzgün yol göstərir.[5]
