Wikipedia logo
Mişel de Monten haqqında Vikipediyada məqalə var.
Mişel de Monten

Mişel de Monten -(1533-1592) - fransız filosofu və yazıçısı.



A B C Ç D E Ə F G H X  İ   J  K Q L M N O Ö P R S Ş T U Ü V Y Z


ARedaktə

  • Avaraçılıq ən böyük istedadı da məhv edir.
  • Az bildiyini başa düşmək üçün çoxlu oxumaq lazımdır.[1]

BRedaktə

  • Başqalarına olduğu qədər özümüzə də yadıq.
  • Başqalarının bilgisiylə bilgili olsaq belə, ancaq öz ağılımızla ağıllı olarıq.
  • Bədəni razılıqsız və istəksiz sevmək ruhsuz və hissiz bədəni sevməkdir.
  • Bir ailəni idarə etmək bir dövləti idarə etməkdən heç də asan deyildir.
  • Bir məqsədə bağlanmayan ruh, yolunu itirər. Çünki hər yerdə olmaq, heç bir yerdə olmamaqdır əslində.
  • Bir polyakı eynilə bir fransız kimi qucaqlayıram, dünya ilə qohumluğumu öz xalqımla qohumluğumun üstündə tuturam.
  • Bizim sevdiyimiz insan bizə həqiqətən olduğundan gözəl görünür.
  • Bütün günlər ölümə doğru gedir; son gün ona çatır.

CRedaktə

  • Cəza uşaqlara verilən bir dərman sayılmalı və həmin düşüncə ilə verilməlidir.

DRedaktə

  • Dostluğun qolları bir-birimizi dünyanın bir ucundan o biri ucuna kimi qucaqlaya biləcək qədər uzundur.
  • Dünyaya gəldiyiniz gün bir tərəfdən yaşamağa, bir tərəfdən ölməyə başlarsınız.
  • Düşmənindən də nəsə öyrənə bilərsən.

ERedaktə

  • Elə məğlubiyyətlər var ki, öz şərəf və şöhrətinə görə ən parlaq qələbələrdən də geri qalmır.
  • Eşq utanma və çəkinmənin olduğu yerdə vardır.

ƏRedaktə

  • Ədalətin olmadığı yerdə əxlaq da yoxdur.
  • Ən cox inandığımız şeylər, ən az bildiklərimizdir.
  • Əsl dostlar, "iki bədəndə bir qəlb" olanlardı.
  • Əsl kamillik axar suya bənzəyir: nə qədər dərindədirsə, bir o qədər sakitdir.[2]
  • Əslində insanlar səni xəyal qırıqlığına uğratmır. Yalnız sən, səhv insanlar üzərində xəyal qurursan.
  • Əzbərləmək xəyanətdir.

GRedaktə

  • Güc və təxəyyüldən hadisələr doğur.

HRedaktə

  • Hədəfi olmayan gəmiyə heç bir külək kömək etməz.
  • Həqiqəti çılpaq görmək faydalıdır. Yalan isə qoy libaslara bürünsün.
  • Hər gün bir-birini görmənin dadı başqa, ayrılıb qovuşmanın dadı başqadır.
  • Həyatı düzgün yaşamağı onu əldən buraxdıqda anlayırıq.

XRedaktə

  • Xəsislik bütün insan dəliliklərinin ən gülüncüdür.

İRedaktə

  • İgidlik cəsarət və iradədən doğur.
  • İllərin əlimizdən çəkib aldığı yaşama zövqlərini dişimiz, dırnağımızla müdafiə etməliyik.
  • İnsan sevincini böyüdərək üzüntüsünü isə kiçildərək anlatmalıdır.
  • İnsanlar başaqlara bənzərlər. İçləri boşkən başları havadadır, dolduqca əyilərlər.

KRedaktə

  • Kral da, dilənçi də eyni iştahla acırlar.
  • Kim şöhrətpərəstlik xəstəliynə tutulmuşsa, onun bütün ömrü iztirablarla zəhərlənmişdir.

QRedaktə

  • Qorxu-qəddarlığın anasıdır.
  • Qorxaqlıq amansızlığın anasıdır.[3]

MRedaktə

  • Məktəblər basdırılmış gəncliyin həbsxanalarıdır.
  • Mən kitabları deyil, kitablar məni yaratdılar.
  • Mübahisə edərkən öz səhvini boynuna almaq, filosoflara məxsus nadir, qiymətli keyfiyyətdir.
  • “Müdrikliyin ən gözəl sübutu əhval-ruhiyyənin həmişə yaxşı olmasıdır.
  • Mürəkkəb hadisələr haqqında dərhal qərar vermək ən böyük axmaqlıqdır.
  • Mütaliədən ucuz əyləncə yoxdur, mütaliənin zövqü isə uzun müddət davam edir.

ÖRedaktə

  • Ölüm insanı hər cür borcdan azad edir, bircə şərəfsiz ölüm günahı onun üzərindən götürə bilmir.
  • Ölümün bizi harada gözlədiyi müəyyən deyil, yaxşısı budur ki, biz onu hər yerdə gözləyək.
  • Özünü olduğundan az göstərmək, alçaqkönüllülük deyil axmaqlıqdır; özünə dəyərindən az qiymət qoymaq qorxaqlıqdır. Özünü oldugundan çox göstərmək də, çoxu dəfə qürurdan deyil axmaqlıqdandır.

SRedaktə

  • Sokrat söylədi deyə deyil, öz yaradılışıma uyğun olduğundan, üstəlik həddindən artıqlığa belə qaçaraq, bütün insanları həmyerlim sayıram.
  • Sözün yarısı onu deyənə, yarısı da qulaq asana məxsusdur.

TRedaktə

  • Təvazökar ürəklərdə yaşayan düşüncələr, ən yüksək düşüncələrdir.

URedaktə

  • Uğurlu evlilik sevgini rədd edir, onu dostluqla əvəz etməyə çalışır.

ÜRedaktə

  • Üstün sayılan insanlara yaxından baxınca anladım ki, çoxu hər kəs kimi insandır.

YRedaktə

  • Yalançılıq-ən alçaldıcı və ən iyrənc qəbahətdir
  • Yaşlanmanın, üzümüzdən çox, ağılımızda qırışıqlıqlar meydana gətirəcəyindən qorxaram.

MənbəRedaktə

  • Ağıla və qəlbə işıq saçan sözlər. Bakı,2014.
  • Ziyəddin Məhərrəmov. "Bir bahar küləyi", Bakı, "Nurlan", 2012.
  • Ziyəddin Məhərrəmov. "Bir bahar küləyi", Bakı, "Nurlan", 2012.
  • Ziyəddin Məhərrəmov. "Bir bahar küləyi", Bakı, "Nurlan", 2012.