Tamil atalar sözləri

---

A

B

C

Ç

D

E

Ə

F

G

H

X

İ

J

K

Q

L

M

N

O

Ö

P

R

S

Ş

T

U

Ü

V

Y

Z

---

A

• Ağlayırsan ağla, amma əkin ək.
• Atın ölməyi ikiqat zərərdir. (Yəni həm ölümünə, həm də basdırılmağına görə. Hindistanda ölmüş at hökmən basdırılmalıdır).
• Atlını at nəinki atmır, hətta qəbrini qazmağa da kömək edir.

B

• Başıyarım qabda su da şappıldayar, qab da yırğalanar, dolu qabda su sakit durar, qab da sanballı
• Bir evdə ki, haqq-hesabı kiçik oğul da bilə, oradan dava-dalaş əskik olmaz.
• Bir quruşluq saymazlıq — yüz minlik itkidir.
• Birdən — birə varlananda, qonşunun evi gözünə pəyə kimi görünər.
• Bulaq su quyusundan yaxşıdır.

D

• Dağ keçisi bir addım geri çəkilirsə, deməli sonra uzağa atılacaq.
• Dərin də olsa, dayaz da olsa — şumla, tez-tez də olsa, az-az da olsa — ək
• Dəymiş meyvə budaqda durmaz.
• Döyüşdə adamın özünə yox, silahına baxarlar.
• Düşmən ancaq zəif olanda qəzəbi bildirmək olar.
• Düşmən zəif olanda qəzəb dönüb olur azğınlıq.
• Düyü bir ovuc da olsa, onu bişirmək üçün böyük ocaq çatmaq gərəkdir.
• Düz danışana hamı düşməndir.

Ə

• Əgər çalıbsa — əqrəbdir, çalmayıbsa — mığmığa.
• Əkinçi varlı olanda hökumət də varlı olur.
• Əvvəl ağıl ölür, sonra — insan

F

• Filin ölüsü də min sikkəyə dəyər.

G

• Gəmi gedir — buxta qalır, zaman gedir — söz qalır.
• Göy xəsis olanda, adamlar da xəsisləşər.
• Gözünlə gördüyün haqq deyl, qulağınla eşitdiyin haqq deyil, ancaq dərindən — dərinə öyrəndiyin haqdır.
• Günahkar məlum deyilsə, dili günahkar elə.

İ

• İynəçilər məhəlləsində iynə satmazlar.

K

• Kasıba buynuzsuz buğa da cumar.

Q

• Qarğadan sona olmaz, lap Qanqın sularına baş vursa da.
• Qonşusunun bir gözünün kor olması üçün razıdır ki, özü iki gözdən ola.
• Qurd göz yaşı axıdır ki, quzu yağış altda yuyulsun.

L

• Lap hiyləgərin də dediyi yalan, səkkiz günə aşkar olar.
• Lütlərin ölkəsində paltarları axmaq sayarlar.

M

• Min qarğanı qovlamağa bir daş bəs elər.

N

• Nə qədər ki, külək əsir, taxılı sovur.

O

• Oğruya inanmaq olar, idbara yox.
• Ovvay da eyibsiz deyil; ən yaxşı müəllim də nöqsansız olmur. (Ovvay — qədim tamil şairəsi, xeyirxahlıq nümunəsi sayılır.

Ö

• Özgənin hesabına xeyirxah olmaq asandır.

P

• Paltaryuyan öz kəndinin kasıblarını tanıyır, zərgər də qızıl taxanlarını.

S

• Suda — qayıq arabanı çəkir, quruda — araba qayığı.

T

• Taxıl bahasa — hər şey bahadır, taxıl ucuzsa — hər şey ucuzdur.

Y

• Yaxşı buğaya bir dam, yaxşı arvada bir söz bəs elər.
• Yanan evdən nə çıxartsan sənindir.
• Yeməmiş doqquz evə getmək olar, geyinməmiş — birinə də yox.

Mənbə

• Dünya xalqlarının atalar sözləri. Bakı, 2015