Başqırd atalar sözləri



A B C Ç D E Ə F G H X  İ   J  K Q L M N O Ö P R S Ş T U Ü V Y Z


A redaktə

  • Ağıllı atını təriflər, yarımçıq arvadını, axmaq da öz-özünü.
  • Ağıllı ilə də, axmaqla da məsləhətləş.
  • Ağıllı özünü sınayar, ağılsız - yoldaşını.
  • Ağıllı üzündən bilinir, axmaq sözündən.
  • Ağıllıya demə - biləcək, yaxşıdan istəmə - verəcək.
  • Ağıllıya məsləhət verərkən təşəkkür edər, axmağa məsləhət verərkən gülməyi gələr.
  • Ağıllıyla da məsləhətləş, ağılsızla da.
  • Ağır naxoşluğu yaxşı yemək sağaldar.
  • Ağız əyri olsa da, sözü düz olsun.
  • Allaha ümid etdim - ac qaldım.
  • Almaq öytətmir, satmaq öyrədir.
  • Almanın yaxşısını qurd yeyər.
  • Atalar sözü dedi - yol göstərdi, məsəl dedi - urəyini toxdatdı.
  • Atan ölübsə də, dostlarını unutma.
  • Atı bir aya sınayırlar, insanı - bir ilə.
  • Atı qamçı qovar, igidi - həya
  • Atın ad-sanı igidin əlindədir, igidin ad-sanı öz əlində.
  • Azıbsansa - qabağa bax.

B redaktə

  • Barmaq barmağa bərabər deyil, insan - insana.
  • Başqasının ağlı ilə varlanmaqdansa, kasıb yaşamaq yaxşıdır.
  • Bazarda məzəndə yuxarı olanda alverçi həyasını satar.
  • Bilən bildiyini işlər, bilməyən barmağını dişlər.
  • Bilən bir dəfə danışar, onu da düz.
  • Bir barmaqla çimdikləmək olmaz.
  • Bir dəfə gördün - tanışsan, iki dəfə gördün - yoldaşsan, üç dəfə gördün - dostsan.
  • Bir dəfə qabağa baxanda, beş dəfə ətrafa bax.
  • Bir dostu incitməkdən qorx, bir də düşmənə sirr verməkdən.
  • Bir əllə əl çalmazlar.
  • Bir könülə iki məhəbbət sığmaz.
  • Boyunla yox, ağlınla öyün.

C redaktə

Ç redaktə

  • Çay bir yerdə hər iki sahili yumaz.
  • Çox biləni bəla tapar, nə azar.
  • Çox ehtiyatlı olmaq da qorxaqlıqdır.

D redaktə

  • Dağı daş bəzəyər, insanı baş.
  • Danışılan söz atılan oxdur.
  • Danışmaq gümüşdür, susmaq qızıl.
  • Daşdakı yazını silmək olmaz.
  • Davadan sonra yumruğunu qaldırır.
  • Dərdsiz-qəmsiz adam su içməklə də kökələr.
  • Dərin çaylar səssiz axar.
  • Dəvəcə boyun olunca, düyməcə ağlın olsun.
  • Diyirlənən daş hamarlanar, düşüb qalan mamırlanar.
  • Dost gözün işinə deyər, düşmən arxada donquldanar.
  • Dosta atını veribsənsə, demə ki, onu qoru.
  • Dostu incitməkdən və düşmənə sirri satmaqdan qorx.
  • Duzdan duzlu olma, baldan şirin.
  • Düşmən çağırsa getmə, dost çağırsa get.
  • Düşməninin gülüşünə inanma.

Ə redaktə

  • Əlin gücünə baxma, ürəyin gücünə bax.
  • Əsl kişi məqsədinə çatar.
  • Əvvəlcə öyrən gör qonşun kim olacaq, sonra özünə ev tik.
  • Əyri ağcaqayın qar saxlamaz, pis adam - söz.

G redaktə

  • Gəzməyi bilməyən yolu korlayır, danışmağı bilməyən - sözü korlayır.
  • Göl qamışsız olmaz, ürək qəmsiz.
  • Güclü birinə, bilən mininə qalib gələr.
  • Günahkarın yuxusu gəlməz.

X redaktə

  • Xəstəlik pud-pud gələr, misqal-misqal gedər.
  • Xəzəlləri külək qarışdırar, insanları söz.
  • Xoşa gələn səkkiz, ürək istəyən bir.

İ redaktə

  • İgid bir sözü iki dəfə deməz.
  • İgid evdə doğular, döyüş meydanında ölər.
  • İgid yarasız olmaz.
  • İgidin fəndi olmasa tez basılar.
  • İki sevgini bir ürəyə sığdıra bilməzsən.
  • İlanın ayağını görən olmayıb, mollanın səxavətini.
  • İlanın başını kəsin - quyruğu qıvrılacaq
  • İlanın çölü yumşaq, içi zəhərdir.
  • İlanın quyruğunu basma, başını kəs.
  • İlanla dost olacaqsan - çalacaq
  • İnsana dili bəla gətirər, heyvana - buynuzu.
  • İşləyənə - çörək, işsizə - yuxu

K redaktə

  • Kişisi çox olan evin odunu olmaz, qadını çox olan evin - suyu

Q redaktə

  • Qabil adam iyirmi beş yaşında da kamil olar, naqabil əlli yaşında da uşaq.
  • Qəm yemə ki, pul yoxdur, qəm ye ki, iş yoxdur,
  • Qarğa da balasını oxşayır: "Mənim ağappaq balam"; kirpi də balasını oxşayır: "mənim ipək balam".
  • Qətiyyətsiz adam, bəxtsiz adam.
  • Qonaq az əyləşər, çox görər.
  • Qonaq edirlərsə, suyu da iç.
  • Qorxaq elə bilər kölgə də oğrudur.
  • Qorxaqdan qaç.
  • Quş səhv edər - tələyə düşər, insan səhv edər - azadlığını itirər.
  • Qürbətdə sərvətdən qiymətli doğma eldir.

M redaktə

  • Maral buynuzunda milçək oturmaz.
  • Molla haqqında yaman desən dilini kəsərlər, padşah haqqında yaman desən - əlini.

N redaktə

  • Naxoş bir dəfə ölür, tənbəl - hər gün.

O redaktə

  • Otuz dişdən uçan otuz qulağa çatar.

Ö redaktə

  • Ölkəni düşməndən qoru, sirri - yaltaqdan.
  • Övlad üçün ananın ürəyi ağrıyar, atanın - biləyi.
  • Öz günahına görə yıxılan adam ağlamaz. [1]
  • Özgələri eşit, öz ağlına batanı elə.
  • Özünü öymə, özgəsini əymə.
  • Pulu pul gətirər.

P redaktə

  • Pis at yiyəsini qocaldar, pis arvad - ərini.

R redaktə

  • Rəqs etməyi bilməyən musiqini sevməz.

S redaktə

  • Sakit getdi - çatdı, tələsdi - yolunu azdı.
  • Sakit it hürmür, amma qapır.
  • Sevincdə ölçü bil, bəlada - inamını itirmə.
  • Sən özün torpağa əyilməsən, o sənə yaxın gəlməz.
  • Sənətsiz kişi - qanadsız quş.
  • Sərvət olmaz malda-mülkdə, - Birlikdə olar, birlikdə.
  • Soyuq söz ürəyə çatana qədər buza dönər.
  • Sözə baxma, işə bax.
  • Sürətli atı həvəsləndirməyə ehtiyac yoxdur, bacarıqlı adama kömək etməyə ehtiyac yoxdur.

T redaktə

  • Tanınan yerdə özünə hörmət edirlər, tanınmayan yerdə kürkünə.
  • Tək odun ocaqda da yanmaz, qoşa odun çöldə də sönməz.
  • Tənbəl bir işi iki dəfə görər.
  • Tənbəl durduğu yerdə yatar, oturduğu yerdə işlər.
  • Tənbəl kişi çörəksiz qalar, tənbəl qadın paltarsız.
  • Torpaq çörəyi ilə, insan əməyi ilə.
  • Toy o tərəfdədirsə, bu tərəfdə oynama

U redaktə

  • Uşaq - atadan yetim qalmır, anadan yetim qalır.

Ü redaktə

  • Ürəkdən gələn söz ürəklərə yol tapar.

V redaktə

  • Vətən başqa bir ölkədən daha bahalıdır.

Y redaktə

  • Yaşlı qız adaxlıdan qorxmaz.
  • Yarasız Batır olmaz.
  • Yavaş getdi - mənzilə yetdi, tələsdi-təzdi - yolunu azdı.
  • Yerişini bilməyən yolu korlar, danışığını bilməyən - sözü.
  • Yoldan tapdığını da say götür.
  • Yolsuzluqdan - çala-çuxur da olsa, yol yaxşıdır.
  • Yuxu ölümün yoldaşıdır.

Z redaktə

  • Zoruna güvənmə, ağlına güvən.

Mənbə redaktə

  • Dünya xalqlarının atalar sözləri. Bakı, 2015

İstinadlar redaktə

  1. [1] Цитаты и афоризмы.