Arif Babayev (rejissor)

Arif Hacı oğlu Babayev (25 sentyabr 1928, Bakı, Azərbaycan SSR – 26 avqust 1983, Bakı) — Azərbaycan kinorejissoru, televiziya rejissoru, Azərbaycan SSR əməkdar incəsənət xadimi (1964). Azərbaycan kinosunda "müəllif" kinosunun nümayəndələrindəndir.

Arif Babayev (rejissor)
Doğum tarixi	24 sentyabr 1928
Doğum yeri	Bakı
Vəfat tarixi	26 avqust 1983
Vəfat yeri	Bakı
Vikipediya məqaləsi

---

A

B

C

Ç

D

E

Ə

F

G

H

X

İ

J

K

Q

L

M

N

O

Ö

P

R

S

Ş

T

U

Ü

V

Y

Z

---

P

• Paltarların, ayaqqabıların köhnələndə təzələmək həvəsin qalmayıbsa, demək ölüm sənə yaxınlaşıb.

Haqqında sitatlar

• Arif Babayev Azərbaycan kinosuna lirik-romantik əhval gətirdi. Özünün daxilindəki yüksək zövqü ekrana çıxarmağı bacardı. O, filmlərin ssenarilərinə özünü əks etdirən nəsə bir detal əlavə edirdi. Bunu yalnız ustad rejissorlar bacarırlar. "Arxadan vurulan zərbə" filminin çəkişlişləri zamanı bunu çox müşahidə etmişəm. Olduqca mülayim bir insan idi. Lakin çəkiliş meydançasında bir sözünü iki etmək mümkün deyildi.
  • Akif Əli (yazıçı-publisist, filologiya elmləri namizədi, "Arxadan vurulan zərbə" filmində Fazil Qəmərlinski rolunun ifaçısı)

• Arif təpədən dırnağa qədər İçərişəhərli idi. O istəyirdi ki, çəkdiyi filmin hər kadrında Bakı olduğu kimi görünsün. "Uşaqlığın son gecəsi" filmi üzərində birgə işləyərkən filmin sonu üçün mahnı nəzərdə tutmamışdım. Onun təkidi ilə "Gəl, ey səhər" mahnısını yazdım. Arif deyirdi ki, görərsən, bu mahnı sənin ən məşhur mahnılarından birinə çevriləcək. Düz 40 ilə yaxındır bu mahnı tez-tez səslənir. Hər dəfə onu dinləyəndə yadıma "Uşaqlığın son gecəsi" filmi və səmimi, gözəl insan Arif Babayev düşür.
  • Polad Bülbüloğlu (xalq artisti, "Uşaqlığın son gecəsi" filminin bəstəkarı)

• "Gün keçdi" filmində ab-hava təkrarsızlığı var. Arifin çox sevdiyi Bakının, İçərişəhərin mühiti o filmdə hiss olunur. Filmə baxandan sonra İçərişəhər adı çəkiləndə mütləq orada doğulub boya-başa çatan Arif yada düşür. Arif filmi çəkməyə başlayanda Vaqif Səmədoğluna deyib ki, Anar yaxşı ssenari yazıb, amma heç bir epizodda at yoxdu. Sən demə, nə zamansa Arif gecə küçədə gəzdirilən sirk atlarını görübmüş. Filmdə həmin kadrları görəndə Arifin ürəyindəkiləri tam anladım.
  • Anar (xalq yazıçısı, "Gün keçdi" filminin ssenari müəllifi)

• O, mənim üçün İçərişəhərin obrazı idi. Qəribə həssaslığı vardı. Kiməsə, xüsusən də dostlarına əl verməzdi. Bəlkə elə bu səbəbdən də düz-əməlli ayrıla bilmədik. Əlimiz ona uzanılı qaldı.
  • Vaqif Səmədoğlu (xalq şairi, "Gün keçdi" filmindəki mahnı mətnlərinin müəllifi)

Həmçinin bax

• Gün keçdi (film, 1971)