İnanıram ki, iki qadını kimsəsiz adaya aparsalar, hər gün dəniz qabığı və quş yumurtalarından hansının zərgərlik üçün daha uyğun olduğu barədə mübahisə edər və hər ay əncir yarpaqları üçün yeni üslub icad edərdilər.
İşi çox sevirəm, işləyən insanlara baxa-baxa saatlarla oturardım.
Yaddaş qəribə görüntülər yaratmağı bacarır. O, ruhların məskən saldığı evə bənzəyir və bu evin divarları arasında daim gözəgörünməz addımların əks-sədası eşidilir. Şüşələri sınmış pıncərələrdə ölənlərin qaraltıları görünüb-yox olur, lap yanımızda isə bizim keçmiş günlərimizin kədərli kabusları dolaşır.