Acı şey yeyənə su da şirin gələr.
Ağac kökləri ilə yaşar, insan dostları ilə.
Ağıl tənbəl adama xoşbəxtlik gətirməz.Ağıllı adam, ağılsız adamın son etdiyini əvvəldə edər.
Ağıllı adamlar öyrənmək üçün, cılız adamlar özlərini tanıtdırmaq üçün oxuyurlar.
Ağılsız yaxşılığın əhəmiyyəti yoxdur.
Ağlın varsa, onunla iş gör, əgər yoxdursa, onda atalar sözü ilə iş gör.
Alçaq adamlar təbil kimidir, içi bomboş, hay-küyü çox.
Aslan göy gurultusuna cavab verər, çaqqal ulaşmasına yox.
Ayın ləkəsi gözə tez dəyər, nəinki şöləsi.
Baxmayaraq ki, doğuluşdan yaxındırlar, qiymətli daş-qaş ilanın qüsurunu başa düşmür, ilan da daş-qaşın dəyərini. (Hindlilərin etiqadına görə ilanın başında qiymətli daş-qaş vardır.
Başqasından üstün olmağımız əhəmiyyətli deyil. Əsl əhəmiyyətli olan şey, dünənki halımızdan üstün olmağımızdır.
Bilikdən yaxşı dost yoxdur, azardan pis - düşmən.
Bir balaca çınqı atıb, bütün meşəni külə döndərər.
Borcun, odun və düşmənin qalanı təzədən artar.
Bulud küləyə qarşı yeriməz.
Dost - yaman gündə, qəhrəman - vuruşda, düzlük borsda bilinir.
Dostunuza tez-tez ziyarətə gedin, çünki üstündə gedilməyən yollar tikan və kollarla bağlıdır.
Düşməndən iki cür yaxa qurtarmaq olar, ya əllərini işə salırsan, ya da ümidini bağlarsan ayağının cəldliyinə.
Ehtiyatsızlıq fəlakətin anasıdır.
Gözdə göz yaşı yoxdursa, ruhda göy qurşağı yarana bilməz.
Günəş şəfəq saçanda ulduzlar yoxa çıxar.
Heç nədən qorxmayan ya dəli, ya da axmaqdır.
Həşərat çox olsa, hətta ilanı da məhv edər.
Hünərsiz ağıl qadınlara, ağılsız hünər heyvanlara xasdır.
Xoşbəxtlik həmişə cəsurların tərəfində olur.
İlan daş-qaşla bəzənmiş olsa da, fərqi yoxdur, yenə qorxuludur.
İlan hərdənbir sancar, yaramaz addımbaşı.
İşləməyən dəmiri öz pası məhv edər, insanı da tənbəlliyə vərdiş etməsi.
Kim başqalarına xoşbəxtlik gətirirsə, o, özü xoşbəxtdir.
Kokila manqo ağacından dupduru şəbnəmi içir, heç özünü öymür, qurbağa bataqlıq suyundan içir - vaqqıldayır. (Kokila - melodik səsi olan hind ququ quşu. Manqo dadlı meyvəsi olan ağac)
Koğuşuna od düşmüş bir pis ağacın ucundan bütün meşə məhv olur.
Kora güzgü nə lazım.
Külü yuxarı kim atırsa, onun başına tökülür.
Qarğa leş yeməyincə doymaz.
Qadın o qədər incə, o qədər zərif məxluqdur ki, onu gül yarpağı ilə də vurmaq olmaz.
Qəlbi elmin, mübarizənin və məhəbbətin yolunda çırpınmayan adam nahaq anadan olub, nahaq yerə anasının cavanlığını əlindən alıb.
Qısqanclıq gəncliyin vərəmidiir, onu sağaltmaq çətin olur.
Müdrik adama da dost lazımdır.
Nimbanı süd nohuruna da qoysan, yenə acı olacaq. (Nimba - acı meyvəli ağacdır.)
Noxud nə qədər atılıb düşsə də, tavanı partlada bilməz.
Saç-saqqal ağartmaqla hörmət sahibi olmaq olmaz. Elm və kamal sahibləri hörmətə layiqdirlər.
Sahildə it timsahı dartışdırar, suda - timsah iti.
Sənin oğlun səndən yaranmış sən özünsən. Ona görə də sənə oğul doğmuş qadına anan qədər ehtiram göstər.
Sözdə göz yaşı yoxdursa, ruhda göy qurşağı yarana bilməz.
Suda şanagüllə də olur, timsah da. (Şanagüllə - çiçəkli bitki.)
Susmaq üçün enerji tələb olunmur.
Süd, ilan zəhərini ancaq gücləndirir.
Şəhadət barmağınla birini ittiham etdiyin zaman üç barmağının sənə tərəf yönəldiyini unutma.
Təhlükə gəlməmişdən ehtiyat elə
Tikanı ayaqdan tikanla çıxararlar.
Vaxtında görülməyən iş - görülməmiş kimidir.
Yalan sözdənsə, susmaq yaxşıdır.
Yeməyə heç nə olmasa da, aslan ot yeməz.
Yerinə səpilməyən toxumbar verməz.
Zərbə həmişə ağrıyan yerə dəyər.
Zülm küləyi əsən dənizdən intiqam buxarı qalxar.
