Hippokrat - (təxminən b.e.əvvəl 460-377-ci illər), tarixi şəxsiyyət olub, qədim Yunan həkimi, filosofu, tibbi etik prinsiplərini banisi. Tarixdə “tibbin atası” kimi yadda qalıb.
Həddindən artıq yemək yemək və ya ac qalmaq pisdir.
Həddindən artıq yuxu və yuxusuzluq pis əlamətdir.
Həkim filosofdur. Çünki, müdriklə tibb arasında böyük bir fərq yoxdur.
Həkim xəstəliyi müalicə edir, təbiət isə sağaldır.
Həkim soyuqqanlı, xoşxasiyyət və insanpərvər olmalıdır. O, xəstə üçün ata, sağalmaqda olan insan üçün mühafizəçi, sağlam şəxs üçün dost olmalıdır. O, xəstənin sağalmağa olan ümidini hər an dəstəkləməlidir.
Hər cür xəstəlikdə ruh yüksəkliyini və yemək yemək zövqünü saxlamaq yaxşı, əksi isə pis əlamətdir.
Keyfiyyətcə yaxşı olmayan, amma xoş olan, keyfiyyətcə yaxşı ,amma xoşagəlməz olan içkini və qidanı seçmək daha faydalıdır.
Kim ki, işləmək qabiliyyətini, sağlamlığını, tam və sevincli həyatını qoruyub saxlamaq istəyirsə, gimnastikanı, fiziki çalışmaları, yerişi öz gündəlik həyatına daxil etməlidir.
Kim ki, tez-tez özünü istidə saxlayır, onda aşağıdakı zərəli nəticələr baş verir: əzələlərin zəifliyi, əsəblərin zəifliyi, ağlın kütlüyü, qanaxmalar, ürək getmələr. Bütün bunların nəticəsi də ölüm olur.
Qadın ürəyi göydəki ulduzların sayı qədər yalanlar gizlədir.
Qocalar cavanlardan az xəstələnirlər. Amma əgər onlarda xroniki xəstəkilər olarsa, bu,onların ölümü ilə sona çatır.
Qocalar orucu çox asanlıqla tuturlar. Bu işdə böyüklər də əziyyət çəkmir, cavanlar isə çətinlik çəkirlər. Ən çətinlik çəkən isə uşaqlar olur. Uşaqların içində isə qarınqulu uşaqlar üçün bu daha çətin olur.
Ömür qısa, sənət yolu uzun, əlverişli fürsət tezkeçən, təcrübə aldadıcı, fikir çətindir. Ona görə də nəinki həkimin özü hər şeydən istifadə etməli, eləcə də xəstə, onu əhatə edənlər, bütün xarici amillər həkimin fəaliyyətinə kömək etməlidir.