Uilyam Somerset Moem

Uilyam Somerset Moem (Paris, 25 yanvar 1874 - Nitsa, 16 dekabr 1965) - İngilis yazıçısı və dramaturqu

Uilyam Somerset Moem
Doğum tarixi	25 yanvar 1874
Doğum yeri	VIII arondisman
Vəfat tarixi	16 dekabr 1965
Vəfat yeri	Nitsa
Vikipediya məqaləsi

---

A

B

C

Ç

D

E

Ə

F

G

H

X

İ

J

K

Q

L

M

N

O

Ö

P

R

S

Ş

T

U

Ü

V

Y

Z

---

Uilyam Somerset Moem

A

• Axmaq olub bunun fərqində olmaq, axmaq olub bunun fərqində olmamaqdan yaxşıdır.
• Ancaq adi bir adam hər zaman etdikləri ilə qane olar.
• Arzu həqiqətdən qaçmaq deyil, əksinə, ona yaxınlaşmaq üçün vasitədir.

B

• Bir qadın səni sevəndə, sənin ruhuna sahib olana qədər doymaz. Zəif olduğu üçün onun hökmranlıq üçün qəzəbi var və heç nə onu qane edə bilməz.
• Bir qədər sağlam düşüncə, bir qədər səbr, bir qədər yumor hissi – və bunlarla çox rahat şəkildə bu dünyada yaşamaq olar.
• Biz bu il keçən ildəki insan deyilik. Elə bizim sevdiyimiz insanlar da əvvəlki deyillər. O vaxt hər şey gözəl olur ki, biz də dəyişirik, sevdiyimiz insanlar da, amma aradaki sevgi olduğu kimi qalır.

D

• Doğru deyil ki, guya əzablar insan xarakterini nəcibləşdirir. Bunu yalnız xoşbəxtlik edə bilər., o da nadir hallarda, əzablar isə çox vaxt insanı xırdaçı və kinli edir.
• Dost seçimi edərkən xarakter altında gizlənən şəxsiyyəti seçərək aldanmayın.
• Düşüncə qabiliyyətini öldürən ən böyük düşmən pis vərdişdir.
• Düşünürəm ki, Tanrı ya mənim daxilimdə, ya da heç bir yerdədir.

E

• Eyni zamanda yazıçı və centlmen olmaq çətindir.

Ə

• Ən uzun müddətli sevgi, heç vaxt geri dönməyən sevgidir.
• Əzabların xarakteri zənginləşdirdiyi düzgün deyil. Bunu bəzən xoşbəxtlik bacarır. Əzablar əksər hallarda insanı xırdaçı və qisas arzusunda olan bir şəxsə çevirir.

F

• Faciə ondadır ki, biz bəzən öz arzumuza çatırıq.

G

• Gəncliyin xoşbəxt olması illüziyasıdır, onu itirənlərin illüziyasıdır; lakin gənclər özlərinə aşılanmış həqiqətsiz idealla dolu olduqları üçün yazıq olduqlarını bilirlər və hər dəfə gerçəklə təmasda olduqda əzilir və yaralanırlar. Görünür, onlar sui-qəsdin qurbanı olublar; seçmə zərurətindən ideal olan oxuduqları kitablar və unutqanlığın çəhrayı dumanı ilə keçmişə nəzər salan böyüklərin söhbəti onları qeyri-real həyata hazırlayır. Oxuduqlarının və onlara deyilənlərin hamısının yalan, yalan, yalan olduğunu özləri kəşf etməlidirlər; və hər bir kəşf həyatın çarmıxında bədənə vurulan başqa bir mismardır.

H

• Hər hansısa bir şənlikdə ağıllı şəkildə yemək lazımdı, ancaq tam doymaq olmaz. Yaxşı danışmaq xoş olar, ancaq dahi təsiri bağışlamaq mütləq deyil.
• Hər nəsil atalarına gülür, babalarına gülür, ulu babalarına heyran olur.
• Həyatda başqalarının müsibətinə “can yandırmaqdan” daha asan bir şey yoxdur.
• Həyatda yalnız iki şey insanın mövcudluğuna haqq qazandıra bilər: sevgi və incəsənət.
• Həyatdakı qəribəlik ondadır ki, qəbul etmək istəmədiyimiz şeylərlə daim qarşılaşmalı oluruq.
• Həyatın ən böyük dramı insanların yox olması deyil, sevgidən məhrum olmalarıdır.

İ

• İnsan məmur, bağban və ya polis kimi işləmək mümkün olmayan yaşa çatanda, onun ölkəsinin taleyini həll etmək üçün yetişmiş hesab olunur.
• İnsan ömrünün qalan hissəsini onunla keçirmək istəmədən bir qadına çox aşiq ola bilər.
• İnsanlar öz fikrimizi bildirməyimizi desələr də, bizdən tərif gözləyirlər.
• İnsanlar sizdən onları tənqid etmənizi xahiş edərlər, amma qəlblərində istədikləri yalnız tərifdir.
• İnsanlara öz sevdikləri şeyi etmək üçün səbəb lazım deyil, – onlara bəraət lazımdır.
• İnsanın hər töhvəsində onun ruhunun macəraları öz əksini tapmalıdır.
• İnsanların sənə baxmağını istəyirsənsə, sən də onlara baxmalısan.
• 25 yaşlı subay qız və həmin yaşda olan evli qadın arasında uçurum qədər fərq var.

K

• Keçmiş barədə düşünməyə başlayırsansa, deməli artıq sənin gələcəyin yoxdur.

Q

• Qısa və aydın yazmaq səmimi xə xeyirxah olmaq qədər çətindir.

M

• Mən bilmirəm” deməyin nə qədər asan olduğunu anlamısınızsa demək ki, çox gecikməmisiniz.

P

• Pul bir növ altıncı hissdir, onsuz qalan beşi natamamdır.

R

• Roman yazmaq üçün üç qayda var. Bədbəxtlikdən, bu qaydaların nədən ibarət olduqları heç kəsə məlum deyil.

S

• Sənin üçün əhəmiyyətsiz olan insanlarla xoş davranmaq daha asandır.

Y

• Yalnız bir qadın digər qadının nəyə qadir olduğunu bilir.
• Yalnız qadına hörmət edən kişi onu alçaltmadan ondan ayrıla bilər.