Antuan de Sent-Ekzüperi (fr. Antoine de Saint-Exupéry; 29 iyun 1900 – 31 iyul 1944) — fransız yazıçısı və təyyarəçi. "Balaca şahzadə" və "İnsanlar planeti" əsərləri ilə dünya şöhrəti qazanmışdır.
| Antuan de Sent-Ekzüperi
|
|
|
| Doğum tarixi |
29 iyun 1900
|
| Doğum yeri |
Lion, Fransa
|
| Vəfatı |
31 iyul 1944
|
| Vəfat yeri |
Fransa
|
|
|
- Çiçəklər zəifdir. Və sadə düşüncəli. Və özlərinə cəsarət verməyə çalışırlar. Düşünürlər ki, tikanları varsa, hamı onlardan qorxur.
- Eşq bir-birinə baxmaq deyil, birlikdə eyni tərəfə baxmaqdır.
- Əlbəttə, səni incidəcəm. Əlbəttə ki, məni incidəcəksən. Təbii ki, bir-birimizi incidəcəyik. Ancaq bu, mövcudluğun şərtidir. Bahar olmaq, qış riskini qəbul etmək deməkdir. Mövcud olmaq, yoxluq riskini qəbul etmək deməkdir.
- Ən başlıca şeyi gözlə görmək mümkün deyil, onu yalnız ürək duya bilər.
- Gəmi quraşdırmaq istəyirsənsə, insanları çağırmağa, planlaşdırmağa, işi bölməyə, alətlər almağa ehtiyac yoxdur. İnsana sonsuz dəniz arzusunu sirayət etmək lazımdır. Sonra gəmini özləri tikəcəklər.
- Gözəlsən, amma boşsan... Sənin üçün ölmək olmaz. Təbii ki, yoldan keçən adi biri mənim qızılgülümün sizin kimi olduğunu düşünər. Amma mənim qızılgülüm təkbaşına sizin hamınızdan daha vacibdir, çünki o mənim suladığım güldür. O, şüşənin altına qoyduğum şəxs olduğu üçün, ekranın arxasına sığındığım o olduğu üçün. Tırtılları (iki və ya üç kəpənəkdən başqa) öldürdüyüm şəxs olduğu üçün. Şikayət edəndə, öyünəndə, hətta bəzən heç nə deməyəndə qulaq asdığım o olduğu üçün. Çünki o mənim gülümdür.
- Gülünüzü bu qədər vacib edən gülünüz üçün sərf etdiyiniz vaxtdır.
- Heç bir hadisə içimizdə varlığından heç vaxt şübhələnmədiyimiz bir yad adamı oyada bilməz. Yaşamaq yavaş-yavaş doğulmaqdır.
- İnsan olmaq məsuliyyət hiss etməkdir.
- İnsan olmaq o deməkdir ki, bütün hərəkətlərinə cavabdeh olduğunu hiss edəsən.
- İnsan yazmağı deyilj, görməyi öyrənməlidir. Yazı isə bir nəticədir.
- İnsanlar bu həqiqəti unudublar" dedi tülkü, "Amma siz bunu unutmamalısınız. Siz əhliləşdirdiyiniz şey üçün əbədi olaraq məsuliyyət daşıyırsınız. Sən öz gülünə cavabdehsən.
- Katorqa adamların külünglə işlədiyi yerdə deyil, katorqa o yerdədir ki, vurulan zərbələrin, sərf olan gücün, səyin heç bir mənası yoxdur, əmək insanı insanlarla bağlamır.[1]
- Məhəbbət, əvəzində heç bir şey gözlənilmədiyi yerdə başlayır.
- Müharibə igidlik deyil. Müharibə xəstəlikdir.
- Özünü mühakimə etmək başqalarından daha çətindir. Özünü düzgün mühakimə edə bilirsənsə, deməli, həqiqətən müdriksən.
- Sevmək – o demək deyil ki, bir-birinə baxasan, sevmək odur ki, birlikdə eyni istiqamətdə baxırsan.
- Şamın əsli iz buraxan bal mumu deyil, işıqdır..[2]
- Uğursuzluqlar güclülərə daha da güc verir.
- Yaxşı kəpənəklərlə tanış olmaq istəsəm, bir neçə tırtılın olmasına dözməliyəm.
- Yalnız maddi rifah naminə işləyiriksə, biz özümüzə həbsxana tikirik.
- Yazısı ilə oxucularını yüksəltməyən bir yazıçı ancaq cızma-qaraçıdır.
- ↑ Xəzinə.Bakı,1997. səh.352
- ↑ Ağıla və qəlbə işıq saçan sözlər. Bakı, 2014. səh.243
