Hümam Təbrizi -(1238-1314), Azərbaycan şairi, xəttat
- Ağlı və gücü olanın xalqa sədaqəti də olar.
- Biliyinə qürrələnmə, bilmədiklərin bildiklərindən qat-qat çoxdur.
- Çox danışmaq- qiymətli sözü də qiymətdən salar.
- Gənclik ay işıqlı gecələr kimidir. Ağıllı adamlar bu gecələr yatmazlar.
- İsgəndərin zülmətdə tapa bilmədiyini ağ kağız üzərinə qara mürəkkəblə yazılmış kitablarda tapmaq olar.
- Qanmazlarla bir anlığa da olsa söhbət etmə,
Rahatlıq tapmazsan, onlardan uzaq ol.
- Paxıllıq dirəyini nadanlıq küləyi sındırar.
- Sevinc, elm və dəyanət sahibləri insansevər olurlar.
- Söz var insanı yola gətirər,
- Söz var insanı yoldan çıxarar.
- Aforizmlər və hikmətli sözlər. Bakı, 2005.