Azərbaycan atalar sözləri/Ümid, arzu və istək

Azərbaycan atalar sözləri Müəllif: Şifahi xalq ədəbiyyatı

Həmçinin baxın: Haqqında • < Mündəricat

• Adam adam sayəsində adam olar.
• Adamın gərək dili ilə ürəyi bir ola.
• Adamın tamarzısı, hər kəsin öz arzusu.
• Ayın beş gün qaranlığı olanda, beş gün də aydınlığı olar.
• Allaha əl çatmır, padşaha söz.
• Allahdan buyruq, ağzıma quyruq.
• Alnı açıq, üzü ağ; dərd-qəmi yox, kefi
• Aman istəyənin boynun vurmazlar.
• Arzu bir, ümid iki.
• Atalar gözəl demişlər: "Dünyanı ümid ilə yemişlər".
• Atın izi itin izinə qarışmaz.
• At ölüb, itlərin bayramıdır.
• Axtaran tapar, yoğuran yapar.
• Ac toyuq yuxuda darı görər.
• Bağbanın könlü olsa, nə gəlib bağda bara.
• Bal tutan barmaq yalar.
• Balıq istəyən özünü suya vurar.
• Başına gələn başmaqçı olar.
• Başını keçəl eləmə, hər keçəlin taleyi bir olmaz.
• Bizim evdə də bir gün bayram olar.
• Boş çanağı vurur dolu çanağa.
• Boyunduruq bilir, öküz nə çəkir.
• Bu arxa bir su gəlib, ümid var bir də gələ.
• Buğdadan, arpadan əlim üzüldü, ümidim sənə qaldı, ay darı xırmanı!
• Qabağa gedirsən bic qardaş, dala qalırsan gic qardaş.
• Qabaqca danışma!
• Qarğa cəmdək üstə yığılar.
• Qoyunu qurda tapşırıb.
• Qulağının dibini görəndə...
• Quyuya su tökməklə quyu sulu olmaz.
• Qurunun oduna yaş da yanır.
• Dağ dağa qovuşmaz, insan insana rast gələr.
• Dama dama göl olar, dada dada heç.
• Diş tutmayanı, dodaq tutmaz.
• Dəvə bir fikir eləsə, sarban iki fikir elər.
• Dəvənin quyruğu yerə dəyəndə işim düzələr.
• Dəlidən doğru xəbər.
• Dərdlərə dərman olub, dərmansız qalan canım.
• Dovşanı araba ilə tutur.
• Düzdə gəzdi hərləndi, gəldi dağa dirəndi.
• Elə bil biyara gedir.
• Eşit, inanma.
• Əli aşından da oldu, Vəli aşından da...
• İki qoçun başı bir qazanda qaynamaz.
• İgidin vurmamazlığına bax, daşın böyüyündən yapışır, İlanı Seyidəhməd əli ilə tutur.
• İnək bir, sağan iki.
• İnsan istəsə dağı dağ üstə qoyar.
• İstədi qaşın qayıra, vurdu gözün çıxartdı.
• İstədiyini deyən, istəmədiyini eşidər.
• İstədi çıxa dağ başına, daş düşdü sağ başına.
• İstəyənin bir üzü qara, verməyənin iki üzü.
• İstək gözdə olar, məhəbbət ürəkdə.
• İstərəm dosta varam, əlim boş, üzüm qara.
• İt dəmirçi dükanından nə aparar?
• İt də getdi, ip də getdi.
• Yağ yağa qarışdı, yarmalar yavan qaldı.
• Yağışdan çıxdıq, yağmura düşdük.
• Yazıya pozu yoxdur.
• Yalvarmaqdan sözdən olduq, gözləməkdən gözdən.
• Yel aparan yelinki, yerdə qalan mənimki.
• Yeməkdən ümid yaxşıdır.
• Yıxılan ağaca balta çalan çox olar.
• Yuxarı başda yer yoxdur, aşağı başda da oturmur.
• Keçənə güzəşt deyərlər.
• Kim əkdi, kim becərdi, kim dedi bağ mənimdir.
• Könülsüz işin axırı olmaz.
• Köpəyin qarnı tox gərək.
• Kötük üstündə çox budaqlar doğranıb.
• Gecənin xeyrindən, gündüzün şəri yaxşıdır.
• Göz görmək üçün, könül seçmək üçündür.
• Göz görmür, üz utanmır.
• Gözü boynunun ardını görəndə...
• Gün batdı - bat, gün çıxdı - çıx!
• Neylərəm qızıl taxtı, bir qızıl baxtım olsun.
• Nə doğrarsan qabına, o çıxar qaşığına.
• Nə əkərsən, onu biçərsən.
• Niyyətin hara, mənzilin ora.
• Od yanan yerdən işıq gələr.
• Olan olub, keçən keçib.
• Öz gözündə tiri görmür, özgə gözündə qıl axtarır.
• Öz-özünü oda yaxır.
• Öz-özünü bəyənən ağam vay.
• Ölmə eşşəyim, yaz gələr yonca bitər.
• Pis günün ömrü az olar.
• Pişiyin ağzı ətə çatmayanda deyər iy verir.
• Samanlıqda iynə axtarır.
• Səbr ilə halva olar, ey qora səndən, bəsləsən atlaz olar tut yarpağından.
• Sınan gəmiyə nə külək.
• Suda boğulan saman çöpündən yapışar.
• Tez duranla tez evlənən uduzmaz.
• Toyun axırında zurna belə səslənər.
• Toydan sonra nağara, xoş gəldin, bayram ağa.
• Toyun əvvəlinə getmə, axırına da qalma.
• Toyunda qəlbirlə su daşıyım.
• Tor atan balıq tutar, nə böyüyü, nə kiçiyi.
• Tula itdən də murdar.
• Ucuz ətin şorbası olmaz.
• Haray üzülən canım, ipə düzülən canım.
• Heç kəsin çırağı axıracan yanmayıb...
• Hər aydınlığın bir qaranlığı var, hər qaranlığın da bir aydınlığı.
• Hər arzu yerinə yetməz.
• Hər quşatan, ovçu Pirim olmaz.
• Hər deyilənə inanmazlar.
• Hərə öz atını minib çapır.
• Hər için öz yeri, hər sözün öz məqamı var.
• Hər parıldayan qızıl olmaz.
• Hər saatın bir hökmü var.
• Çarx dolanır, gün keçir.
• Çıxmayan cana ümid çoxdur.
• Çobanın meyli olsa, təkədən pendir tutar.
• Yanan yerdən tüstü çıxar.