Azərbaycan atalar sözləri/F

←Ə

Azərbaycan atalar sözləri Müəllif: Şifahi xalq ədəbiyyatı

G→

Həmçinin baxın: Haqqında • < Mündəricat

• Fağırı kim olsa, döyər.
• Fağırın düşkünü, al geyinər qış günü.
• Fağırlara verənə Allah verər.
• Fağırların düzgünü, bez geyinər qış günü.
• Fal yox, yumurta da yox.
• Fala inanma, falsız da qalma.
• Falçı fala baxar, canını oda yaxar.
• Falçı falçıya fənd vurmaz.
• Falın faldır, fərmanın allah.
• Farsın qəzəli, türkün məsəli.
• Fayda — zərər hesab başında məlum olar.
• Fayda zərərin qardaşıdır.
• Faydasız qohumdan faydalı yad yaxşıdır.
• Fəqir əlinə baxırsa, sən cibinə bax.
• Fəqirə axmaq deyərlər, kasıba gic.
• Fəqirə həmdəm gəlməz, gələr baş ağrısı.
• Fəqirin cibi boş, qəlbi doludur.
• Fəqirin təsəllisi – ölümdür.
• Fələk bağlar, fələk açar.
• Fələk birin qurar, birini dağıdar.
• Fələk güclü, mən gücsüz.
• Fələk heç kimin rəyincə getməz.
• Fələk kiminə təbil çaldırır, kiminə dümbələk.
• Fələk yıxmayanı kələk yıxar.
• Fələyə bel bağlamaq olmaz.
• Fələyə şıllaq atır.
• Fələyin belə-belə işləri çox, aslanı ac gəzdirər, tülkünü tox.
• Fələyin bir çuval qızılı var, hər gün birinin çiynindədir.
• Fələyin bir tabaq çörəyi var, hər zaman birinün başına qoyar.
• Fələyin çərxi dönər.
• Fələyin gözü kordur.
• Fələyin işinə bax, ayıya qaval çaldırır.
• Fələyin qaydasıdır, dağı çəkər dağ üstdən.
• Fələyin zoruna heç nə kar etməz.
• Fənd edən yolda qalar.
• Fənd fəndi kəsər, Allah hər ikisin.
• Fənd nə bilir, fel ilə fənddə nə var?!
• Fərasətli oğulun papağı şiş durar.
• Fərə çıxdığı qabığı tanıyır.
• Fərhad ölüb, külüngünün səsi gəlmir.
• Fərsiz qoyunu qurd yeyər.
• Fərsiz oğul anasını ağladar.
• Fərsiz oğul atasının gözünü çıxartdı ki, adına Koroğlu desinlər, amma kor kişinin oğlu dedilər.
• Fərsiz oğuldan bir qara daş əfzəldir.
• Fərsiz övlad altıncı barmaq kimidir, kəsərsən ağrıdar, saxlarsan – eybəcər göstərər.
• Fikir adamı sərgərdan eylər
• Fikirdən iti gedən şey yoxdur.
• Fikirsiz söz danışma.
• Fikri nəysə, zikri də odur.
• Filin bir fikri var, filbanın min.
• Filin gücü xortumundadır, dəvənin gücü — dizində.
• Fitə uyanın evi yıxılar.
• Fit-fitnən gələn köpəyin qoyuna faydası olmaz.
• Fitnəlikdə malını saxla, salamatlıqda başını.
• Fitnəyə çuğlaşan peşimanluq çəkər.
• Füqaranın gözü tox olar.
• Fürsət əldə ikən yaxşılıq eylə.
• Fürsət hər zaman ələ düşməz.

Mənbə

• Ağıla və qəlbə işıq saçan sözlər. Bakı,2014