Azərbaycan atalar sözləri/E

←D

Azərbaycan atalar sözləri Müəllif: Şifahi xalq ədəbiyyatı

Ə→

Həmçinin baxın: Haqqında • < Mündəricat

• Ehtiyac adamı oğru eləyər.
• Ehtiyac igidi də sarsıdar.
• Ehtiyat igidin yaraşığıdır.
• Ehtiyat ehtiyacdan doğar.
• Ehtiyat şərtdəndir.
• Ehtiyatı əldən vermə.
• Ehtiyatlı adamın anası ağlamaz.
• Ehtiyatlı qoyunu qurd yeməz.
• Ehtiyatlı oğulun anası ağlamaz.
• Ehtiyatlılıq baş ağrısı gətirmir.
• El ad başına yığılar.
• El adamı igid deyə candan edər, comərd deyə maldan.
• El ağzı — çuval ağzı.
• El ağzı çuval ağzı deyil ki, bağlayasan.
• El ağzı faldır.
• El ağzı ilə quş tutulmaz.
• El ağzı ilə şorba içilməz.
• El ağzı kəramətdir.
• El ağzı torba deyil ki, büzəsən!
• El ağzı — yel ağzı.
• El ağzına baxan, qarısını tez boşar.
• El ağzına düşən xeyir görməz.
• El ağzında bir sözün yüz rəngi var.
• El ağzını bağlamaq olmaz.
• El arasında it quyruğu kəsməzlər.
• El arxası çəmən olar.
• El atan daş dağdan aşar.
• El atan daş uzağa gedər.
• El atan daşa güc çatmaz.
• El atan daşı qaldırmaq olmaz.
• El atanı ər atar, el tutanı ər tutar.
• El atanı haqq da atar.
• El atdığı daş uzaq gedər.
• El ayranı yanğını soyutmaz.
• El baylı-yoxsullu olur.
• El bərəkallahı qarın cırar.
• El bir olsa, dağ oynadar yerindən, söz bir olsa, zərbi kərən sındırar.
• El çalan zurnanın səsi uzağa gedər.
• El dağlara dayanıb, çıraqlı indi oyanıb.
• El dedikcə saxlamaq olmaz.
• El dediyi mübarək olar.
• El dəli olsa, mollaya gedər, molla dəli olsa kimə gedər.
• El dəlisini çölə atmaz.
• El dəlisini aldatmaz.
• El dəlisiz olmaz.
• El el ilə, dəyirman yel ilə.
• El el ilə keçinmiş, qardaş qardaş ilə keçinməmiş.
• El el üstə sığınar.
• El el üstə sığışar, ev ev üstə sığışmaz.
• El elə dayandı, qeyli-qal indi oyandı.
• El elə sığışar, ev evə sığışmaz.
• El elin aynası, batmanı, tərəzisi.
• El elin aynasıdır.
• El elin itkisini bayatı oxuya-oxuya axtarar.
• El eybini sənə söyləyən sənin də eybini elə söylər.
• El harda, sən də orda.
• El gözü aydın görər.
• El gözü sərrafdır.
• El gözü tərəzidir.
• El gözü uzağı görər.
• El gözündən düşən boy atmaz.
• El gözündən düşən gözsüz qalar.
• El gözüylə dünya görünməz.
• El gücü güclü olar.
• El gücü, sel gücü.
• El gücü, yel gücü, sel gücü.
• El hara, sən də ora.
• El hümmətlə, quş qanadla!
• El içində — öl içində.
• El igidi ilə tanınar.
• El ilə bir ağla, el ilə bir gül.
• El ilə duran yıxılmaz, əl ilə verən saxlamaz.
• El ilə gələn qara gün toy-bayramdır.
• El insanın şöhrətidir.
• El ipilə quyuya düşən quyuda qalar.
• El keçən körpüdən qorxma, sən də keç.
• El köçdü, oba qaldı.
• El köçdü, sən də köç.
• El köçər, adət köçməz.
• El qabağı, yel qabağı.
• El qalxdı, sən də qalx.
• El qapısı — həkim qapısı.
• El qapısı həm gec, həm güc açılar.
• El qarğıyan ağac bar verməz.
• El qazanı ilə aş qaynamaz.
• El qədrini el bilər.
• El qızına inanmaq olmaz.
• El mahnısı — yallı səsi.
• El malı ilə dost qazanılmaz.
• El malına göz dikən gözsüz qalar.
• El malına göz tikmə, özün qazan, özün ye.
• El malına kəm baxan, malsız-davarsız qalar.
• El malına kəm baxanın gözlərindən qan damar.
• El malını qoru, öz malın kimi.
• El namusu elə düşər.
• El nəğməsini eldən öyrənərlər.
• El od başına yığılar.
• El oğlu yumurtaya qulp qoyar.
• El oğrusuz, çöl qurdsuz olmaz.
• El öz dəlisini yaxşı tanıyar.
• El salan körpüdən hamı keçər.
• El sevəni aləm sevər.
• El sevməyənin ağacı quruyar.
• El səsi — haqq səsi.
• El sözü — ata nəsihətidir.
• El sözü — atalar sözüdür.
• El sözünə uyan qarısını tez boşar.
• El şamı daim yanar.
• El tikəni aləm yıxa bilməz.
• El tikəni yel yıxa bilməz.
• El tutanı ər tutar, Ər atanı el atar.
• El üçün ağlayan iki gözdən olar.
• El üfürdü, sel köpürdü.
• El üzünə namaz qılanın arxası Allahadı.
• El yaxşı, biz yaman, el buğda, biz saman.
• El yaxşılığını unutma.
• El yandıran şamı söndürmək olmaz.
• El yıxanı heç kəs tikə bilməz.
• El yumruğun görməyən öz yumruğun batman sanar.
• Elçi çox olar, qismət bir.
• Elçisi Gülüm olanın başına külüm olar.
• Elçiyə zaval yoxdur.
• Eldə xəbər çox olar.
• Eldə olan bəydə olmaz.
• Eldən ayrılan itkin düşər.
• Eldən dərs alan Loğman olar.
• Eldən — elə, dildən — dilə, kim gülə, kim gülməyə.
• Elə alaram, eşşəkdən palan alan kimi!
• Elə arxalanan igidin, arxası yerə dəyməz.
• Elə atadan belə oğul?!
• Elə bağın belə də meyvəsi olar.
• Elə bağla ki, aça biləsən.
• Elə bil balıq ağzıdır.
• Elə bil buz baltasıdır.
• Elə bil dalınca atlı salıblar.
• Elə bil daşdan talaşa qopub.
• Elə bil dədəsini mən öldürmüşəm.
• Elə bil dənizdə üzən gəmidir.
• Elə bil kilsəyə bir daş atdım.
• Elə bil qurbağa gölünə daş atdılar.
• Elə bil malakan xəncər bağışlayıb.
• Elə bil odun üstünə su töküblər.
• Elə bil ölü qəbirdən xortdayıb.
• Elə bil tükün oda tutdular.
• Elə bil üstümdən dağ götürüldü.
• Elə bil yumurta üstə oturub.
• Elə bilir yuxa arasında halvadır.
• Elə bilirsən qara gözünə aşiq olub?
• Elə çalmağın belə də oynamağı olar.
• Elə don geymək gərək ki, yamağı evdə tapıla.
• Elə düyün sal ki, açanda dişini sındırmayasan.
• Elə edən, sənə də edər.
• Elə elə ki, bir də bazara şorsatan gəlsin.
• Elə elə ki, nə şiş yansın, nə də kabab.
• Elə elə ki, şorçu bir də bazara gəlsin.
• Elə eləmə ki, körpü qala çayın o tayında.
• Elə gedən əliboş qayıtmaz.
• Elə gül ki, biz də gülək.
• Elə iş tut ki, içindən qəmbərqulu çıxmasın.
• Elə iynə sancmaq istəyən əvvəlcə özünə sancar.
• Elə keçəl deyil ki, qartmağı yerə düşə.
• Elə kor deyən özü badam gözlüdür?!
• Elə köç, köçünə dana-buzov qarışmasın.
• Elə qazana belə çuğundur gərək.
• Elə qazanın belə də aşı olar.
• Elə qırmızıdır ki, toxum xoruzuna oxşayır.
• Elə musurman oldun ki, atovun xaçını da unutdun?
• Elə söz deyir ki, bişmiş toyuğun gülməyi gəlir.
• Elə ye ki, həmişə yeyəsən.
• Elə yeməyin belə də qusmağı var.
• Elə yerdə ev salmışam ki, yıxılanda vay deyim.
• Elə zılxın belə də qazanı olar.
• Eli dağlamaq olmaz, Ağzın bağlamaq olmaz.
• Eli olmayanın dili də olmaz.
• Elimə qalsın, günümə qalmasın.
• Elin ağzı fal olar.
• Elin ağzına baxan ac qalar.
• Elin atdığı daş uzağa gedər.
• Elin eybini saxlamayan, sənin də eybini saxlamaz.
• Elin gözü daş əridər.
• Elin gözü sərraf olar.
• Elin gücü bir olsa, düşməni dara çəkər.
• Elin gücü — tufan gücü.
• Elin gücü, yelin gücü, selin gücü — güclü olar.
• Elin oğlu yumurtaya qulp taxar.
• Elin səsi — haqq səsidi.
• Elin sözü əvvəl-axır düz olar.
• Elin sözü — sözün düzü.
• Elin sözünə baxan ac qalmaz.
• Elin tərəzisi yoxdur.
• Elin tutduğu quşun quyruğu qısa olar.
• Elindən ayrılanı qurd yeyər.
• Elini hürküt, axsağından yapış.
• Ellər bizə, biz ellərə.
• Ellər köçər, dağlar qalar.
• Ellərə gülən canım — indi olub el gülüncü.
• Elm adamın eybini örtər.
• Elm ağılın çırağıdır.
• Elm zəhmət ilə ələ gəlir.
• Elm insana böyük mirasdır.
• Elm mərtəbəsi uca olar.
• Elm para ilə yox, çalışmaq ilə ələ gələr.
• Elm sahibinə böyük zinətdir.
• Elmin gücü, yıxar bürcü.
• Elmli qazıya şahid lazım deyil.
• Elmsiz adam meyvəsiz ağac kimidir.
• Elsiz dağ viranədir.
• Enişdən yenə də yoxuş yaxşıdır.
• Erkək atın yəhəri yırtıq olar.
• Erkək eşşək, yanı qoduqlu?!
• Erkək quşun yuvası olmaz.
• Ermənidən bəy olmaz.
• Erməninin qocalanı köpəyə, müsəlmanın qocalanı ipəyə dönər.
• Ertəyə qalan bəladan qorxma.
• Eşidibdi papağı qırxırlar, bilmir harasın qırxırlar.
• Eşqin tərsi, avandı olmaz.
• Eşşək aldım, qatır çıxdı.
• Eşşək anqıranda itin başı ağrıyar.
• Eşşək batdağa bir dəfə batar.
• Eşşək eşşəyə uzunqulaq deyər.
• Eşşək eşşəyi borc qaşıyar.
• Eşşək hələ o eşşəkdi, palanı dəyişsə də.
• Eşşək qazanar, at yeyər.
• Eşşək qocalmaqla tövləbaşı olmaz.
• Eşşək Məkkəyə getməklə Hacı olmaz.
• Eşşək nə bilir ki, zəfəran nədir?
• Eşşək olasan, çulun məxmər?
• Eşşək olasan, tükün bu narınlığında!
• Eşşək tozda ağnayanda həvəsi gələr.
• Eşşək üstə qəmə bağlayana gülərlər.
• Eşşəkdən adınalıq umur.
• Eşşəkdən soruşurlar: "Niyə bərk qaçırsan?", deyib "Bizləyəndən soruş".
• Eşşəklə getdilər, qatırla döndülər.
• Eşşəyə dedilər: mərifətini göstər, yatdı, ağanadı.
• Eşşəyə güçü çatmaz, palanı çırpar.
• Eşşəyə qantarğa keçirməklə at olmaz.
• Eşşəyə qızıl çatmaqla qiyməti artmaz.
• Eşşəyə məxmərdən çul tikməklə eşşəkliyini itirməz.
• Eşşəyə minmək bir ayıb, qayıdıb düşmək iki ayıb.
• Eşşəyi minərlər, ata çatınca.
• Eşşəyi yüklədikcə tünd gedər.
• Eşşəyim bozdur, dəyirmana getməyir.
• Eşşəyim, ölmə, yaz gələr yonca bitər.
• Eşşəyin anqırtısı özünə xoş gələr.
• Eşşəyin arpası artıq düşəndə yiyəsinə şıllaq atar.
• Eşşəyin canı yananda atdan yeyin qaçar.
• Eşşəyin yükü yüngül olanda oynamağı gələr.
• Ev alma, qonşu al.
• Ev almıram, qonşu alıram.
• Ev ayranı acı olar.
• Ev bağda, bağ dağda.
• Ev bizə qaldı desənə, halva bişibdir yesənə.
• Ev bizim, sirr bizim.
• Ev böyüksüz olmasın.
• Ev buzovundan öküz olmaz.
• Ev dağılsa tiri qalar, kalafa uçsa — yeri.
• Ev xoruzudur.
• Ev oğrusunu tutmaq olmaz.
• Ev pəhləvanıdır.
• Ev satmıram, qonşu satıram.
• Ev sözsüz olmaz, meşə çaqqalsız.
• Ev süpürərəm, yer salaram, kimin qızından geri qalaram?
• Ev şamdan işıqlanar, baş — bilikdən.
• Ev təzə, divar təzə, ələyim, səni hardan asım?
• Ev tikən balta çöldə qalar.
• Evdə bişməyib, qonşudan gəlməyib.
• Evdə div olur, çöldə divanə.
• Evdə gəlinim olsun, bayırda yeznəm.
• Evdə xoruz, çöldə fərə.
• Evdə xoruz olur, bayırda toyuq.
• Evdə qonaq olanda uşağa acıqlanmazlar.
• Evdə öz başını bağlaya bilmir, toyda gəlin başı bağlayır.
• Evdəki hesab bayıra çıxmaz.
• Evdən qabaq qonşu axtar.
• Evdir, aşağısı da olar, yuxarısı da.
• Evə girirəm qarı döyür, bayıra çıxıram — tanrı.
• Evi abad al, bağı — bərbad.
• Evi abad edən arvaddır.
• Evi odlanan mən, əli kösövlü sən.
• Evi yoxdur, qonşu axtarır.
• Evimizə gəldi qonaq, vay dədəm vay, dədəm vay, olaydı yumurta, bişirəydim qayğanaq, vay tava dərdi, yağ da yoxdur!
• Evin bərəkəti ocağındadır.
• Evin bəzəyi ocaqdır.
• Evin böyüyü buyruqda, kiçiyi — qulluqda.
• Evin iti ol, kiçiyi olma.
• Evin minarə dibində olsa da, qulağın səs eşitməz.
• Evin olsun divardan, od düşsün gilavardan!
• Evin yaraşığı gəlindir.
• Evin yaraşığı uşaqdır, süfrənin yaraşığı — qonaq.
• Evin yıxılsın Müşküllü Məmməd, ayının böyüyünü burda qoyub gedib meşədə axtarır.
• Evin zibilini küçəyə atmazlar.
• Evində dəlik, belində yara, yar sirrini ellərdə ara.
• Evində tapmaz bir çürük darı, bardaş qurub oturar hamıdan yuxarı.
• Evində yatır, yuxuda həzrəti Süleymanı görür.
• Evinə görə ye, cibinə görə xərclə.
• Evli evində yatar, qərib harda axşamlar?
• Evlənən evdar olar.
• Evlənən göz-qulaqda olar.
• Evlənənlə ev tikənin köməkçisi çox olar.
• Evlənmək bir qurtum su deyil ki, içəsən.
• Evlənmək su içmək deyil.
• Evlər ayrı, qayğılar ayrı.
• Evlər damı isti sacdır, davam gətirən oturar.
• Evlərə gedən qızın başı qovğalı olar.
• Evlərə gedən qızın dili altında qənd gərək.
• Evlərə gedən qızın: qulaqları kar, dili lal, gözləri kor gərək.
• Evli evində gərək.
• Evsizə qız verməzlər.
• Ey cüt yatan bəxtəvər, demirsən bir tək də var?!
• Ey əmmamə, gör qayış nə çəkir?
• Ey fələk, batmanı eylədin çərək. Hamıya verdin qovun, qarpız, mənə verdin yelpənək.
• Ey özü-özünü bəyənmiş, qoy səni el bəyənsin.
• Ey yar, gəl bağrımı yar, gör içində nələr var.
• Ey zər, allah deyilsən, amma eyiblərə pərdə çəkənsən.
• Eybini bilən, özgəyə eyib eyləməz.
• Eyib eyləmə eybəcərin eybinə, eyib edirsən öz eybinə eybi yox.
• Eyib tapır özgəyə, bir baxmayır güzgüyə.
• Eyibi eylər eybəcər, soğanı yeyər dərdəcər.
• Eyibli eybini bilsə, başına palaz bürüyər.
• Eyibli öz eybini bilsə, başına kilim örtər.
• Eyibli söz danışma.
• Eyibsiz dost axtaran, dostsuz qalar.
• Eyibsiz dost axtaran tənha qalar.
• Eyibsiz gözəl olmaz, ay üzündə də ləkə var.
• Eyibsiz yar axtaran yarsız qalar.
• Eyməçiyə (qatıqçıya) doşab göstərməzlər.

Mənbə

• Atalar sözü, Bakı,2004