Fars atalar sözləri

---

A

B

C

Ç

D

E

Ə

F

G

H

X

İ

J

K

Q

L

M

N

O

Ö

P

R

S

Ş

T

U

Ü

V

Y

Z

---

A

• Ab olan yerdə abadlıq olar. (Ab - su).
• Ac adam daşı da yeyər.
• Acın imanı olmaz.
• Ağ pul qara gün üçün yaxşıdır.
• Ağac nə qədər ki tərdir, əyrisini düzəlt.
• Ağac və müəllim öz barı ilə tanınır.
• Ağlamaq üçün də həvəs gərəkdir.
• Allah bu gözü o gözə möhtac eləməsin.
• Atdan düş, nəcabətdən düşmə.
• "Atəş" deməklə dil yanmaz.
• Aşpaz iki olanda aş ya duzlu olacaq, ya duzsuz.

B

• Baha satanın cəzası - almamaqdır.
• Baş olsun, papaq nə çox.
• Belini əyən kimi yük çatacaqlar.
• Beş barmağın beşi də qardaşdır, ancaq onlar da bərabər deyil.
• Bədbəxt olanın bəxtinə bir qətrə də düşməz.
• Bikar oturan kor kirpiyini qıyar.
• Bilik - başa tac, dövlət - boyuna boyunduruqdur.
• Bir ovuc nümunə ilə bir xalvarı bilmək olar.
• Birinə dedilər: "Atan acından öldü", o da soruşdü ki, "Oldu yemədi?".
• Bıçaq öz dəstəyini kəsməz.
• Boş evdənsə, düşmənlə dolu ev yaxşıdır.
• Bu qədər ulaq ola-ola biz niyə piyada qalmışıq.

C

• Cehizsiz qız naz eləməz.

Ç

• Çaxır nə qədər köhnə olsa, bir o qədər tünd olar.
• Çox desələr "qurumsaq, qurumsaq" - qulaq öyrəşər.
• Çörəyi olmayanın dili də bir kəz olmaz. (Kəz - ölçü vahidi, təqribən 102 sm-dir).
• Çörəyin qiymətini ac bilər.

D

• Daşın böyüyünü götürmək, vurmamaq nişanəsidir.
• Dərdini bir dərdiməndə de. (Dərdimənd - dərdi olan, dərdi anlayan).
• Dəryadan su pay verir.
• Dəvəquşuna deyirlər: "Yük apar", - deyir: "Mən quşam". Deyirlər: "Uç" - deyir:"Mən dəvəyəm".
• Dəvənin dərisi bir eşşəyə yükdür.
• Dəyirman kimi - bərk götür, yumşaq qaytar.
• Dəyirmandan gələn mən, sən deyirsən ki, növbə yoxdur.
• Dil - ağızda başın pasibanıdır. (Pasiban - nəzarət)
• Dost dar gündə bilinər, süfrə başında düşmən də dost görünər.
• Duzu yeyib duzqabını sındırma.
• Dünya işinin tamamı yoxdur.
• Dünyaya dua ilə gəlməmişik ki, qarğışla da gedək.

E

• Elə yerdə otur ki, deməsinlər: Dur burdan
• Eşq ilə müşk gizli qalmaz.
• Eşq ilə rəşk ayrı olmaz. (Rəşk - qısqanclıq)
• Evin iki arvadı olanda toz-torpağı dizdən olar.

Ə

• Əbləhə cavab - susmaqdır.
• "Əgər"i əkdilər bitmədi.
• "Əgər"lə "Məgər"i evləndirdilər, bir uşaqları oldu, adı:"Kaş ki".
• Əhmədin papağını Məhəmmədin başına qoyur.

F

• Fil - diri də olsa min tüməndir, ölü də olsa.
• Füzullar olmasaydı dünya gülüstan olardı.

G

• Gec deyən - gül deyər.
• Gəlir adamı səxavətli elər.
• Görsələr - zarafatdır, görməsələr - ciddi.
• Göz görür, könül sevir.
• Gözləri min iş görür, qaşları xəbər tutmur.
• Gül içində gül ol, tikan içində - tikan
• Günəş saralanda tənbəl başlayır tələsməyə

H

• Haqq ilə nahaqqın arası cəmi dörd barmaqdır.
• Hamıya dost olandan heç kəsə dost olmaz.
• Heç bir pişik siçanı Allah rizasına tutmur.
• Heç nə olmasa, camaat da heç nə danışmaz.
• Hesabı pak olan mühasibin nədən bakı olar. (Bak-qorxu)
• Hər enişin bir yoxuşu var.
• Hər kəs ağlar, amma analar başqa cür ağlar.
• Hər quyuda Yusif olmaz.

İ

• İki ilan bir yuvadan çıxıbsa, biri türkcə, biri farsca oxumayacaq.
• İlan nə qədər əyri olsa da, yuvasına düz gedər.
• İlanın ayağını, qarışqnın gözünü, mollanın çörəyini hələ heç kəs görməyib.
• İnsan bir dəfə doğulur.
• İnsan iki dəfə ölmür.
• İnsan pulu yaradır, pul insanı yaratmır.
• İnsanın böyüklüyü nəsil-nəcabəti ilə deyil, bilik və mədəniyyəti ilə ölçülür.
• İstədiyini deyil, ədalətli olanı elə.
• İstər şad, istər naşad - yaşamaq lazımdır.
• İşi ələ ürək gördürər.
• İştah dişlərin arasında olur.
• İt divarın kölgəsinə gedər, elə bilər öz kölgəsidir.

K

• Kişi sər verər, sirr verməz.
• Kor gözə sürmənin nə faydası?.
• Kor koru axtarar, su çuxuru.

Q

• Qanı qanla yumazlar.
• Qara saçla ağ buluddan qorxma, ağ saçla qara buluddan qorx.
• Qaradan tündü yoxdur.
• Qardaşlığımız öz yerində, keçinin qiyməti yeddi yüz dinardır.
• Qarğa öz yuvasının üstə qarıldamaz.
• Qələbə günü yorğunluq hiss olunmaz.
• Qələmin işini qılınc görə bilməz.
• Qiyamət günü əvvəlcə qonşudan soruşacaqlar.
• Qırx ildir ki, dilənir, hələ bilmir ki, cümə haçandır.
• Qorxu ilə ölüm qaraşdır.
• Qumarbaz - pulu qurtaranda tövbə elər.
• Qurd öləndə tövbə elər.
• Qurdla quyruq yeyir, çobanla ağlayır.
• Quzğun adam öz əcəli ilə ölməz.
• Qüvvətli iradəyə sahib olan insan hərəkətləri və fəaliyyəti üzərində öz qüvvəsinin möhürünü vurur.

M

• Müəllimin çubuğu güldəndir, kim ki, görməyib cahildir.
• Müftə şərabı qazı da içər.

N

• Nə qədər ki, can var - ümid də var.

O

• Od alışdıran özü yanar.
• Od olmasa tüstü çıxmaz.
• Odu odla söndürməzlər.
• Ox bədəni, dil - ürəyi yaralayır
• Oxumayan bilməz, bilməyən bacarmaz.
• Oğlunun davakarlığı ilə fəxr edən ata axırda ağzı qanlı qalar.
• Onun saqqalı dəyirmanda ağarmayıb.

Ö

• Ölməyənə ağlamırlar.
• Ölüm haqdır, ancaq qonşu üçün.
• Ömrü az olan şeyə könül bağlamağa dəyməz.
• Özgəyə quyu qazma: əvvəl özün düşəcəksən, sonra başqası.

P

• Papağı isti-soyuqluğa görə qoymurlar.

S

• "Sənə qulam" - deyən kimi satar səni
• Səni güldürən adamla deyil, ağladan adamla məsləhətləş
• "Simurq (Əfsanəvi quş adı) ayrı, "si mürğ" (otuz quş0 ayrı.
• Sitəmkarın çırağı sübhə kimi yanmaz.
• Sözü yeddi dəfə udmaq lazımdır.
• Su başdan lillənər.
• Su ki başdan aşdı - istər bir qarış olsun, istər yüz qarış
• Su suya qovuşub qüvvətlənir.

Ş

• Şərik olmaq yaxşı olsaydı, allah özünə rəva görərdi.

T

• Tələsən adam bir işi iki dəfə görər.
• Tələskənlik kədərin, səbr isə sevincin açarıdır.

U

• Ulaqdan soruşdular ki, kəndə haçan çatarsan, - dedi mahmızdan soruş.
• Uşaq hələ ana bətnindədir, adını qoyublar Müzəffər.

Ü

• Ürəkdən ürəyə yol var.
• Üzümün yaxşısı çaqqala qismət olar.
• Üzünü gör, halını sor.

Y

• Yalançının çırağı işıq salmaz.
• Yalançının yaddaşı olmaz.
• Yüz dostun olsa azdır, bir düşmənin olsa - çox.
• Yüz qarğaya bir daş bəsdir.

Z

• Zəmanə sənə saz gəlməsə, sən zəmanəyə saz gəl.
• Zənən razı, kişi razı. Nəyinə gərək qazı?
• Zorun cavabı zordur.

Mənbə

• Dünya xalqlarının atalar sözləri, Bakı,2015