Əsas menyunu aç
Wikipedia logo
Onore de Balzak haqqında Vikipediyada məqalə var.
Меморіальна дошка на честь 200-річчя від дня народження французького письменника Оноре де Бальзака.jpg



A B C Ç D E Ə F G H X  İ   J  K Q L M N O Ö P R S Ş T U Ü V Y Z

Onore de Balzak — fransız yazıçısı.

ARedaktə

  • Adamlar vəbadan qorxurlar, lakin sərxoşluq ondan da qorxuludur.
  • Allaha şübhə etmək əslində ona inanmaq deməkdir. [1]
  • Ata olduqdan sonra görəcəksiniz ki, öz xoşbəxtliyinizdən çox, uşağınızın xoşbəxtliyi ilə xoşbəxt ola bilərsiniz.
  • Ayaqqabılarım olmadığına görə təəssüflənirdim. Küçədə ayaqları olmayan adam görənə qədər…
  • Ayrıca bir fərd böyük bir millətdən ağıllı olmağa qadir deyil.

BRedaktə

  • Bədbəxtlik xarakter üçün məhək daşıdır.
  • Bəzən həyatda qibtə etdiyiniz adam da ruhən sizə ehtiyac duya bilər.
  • Biliyin ağası olmaq üçün zəhmətin köləsi olmaq lazımdır. [2]
  • Bir qadın sevdiyi kişinin başqa qadın tərəfindən xoşbəxt edildiyini görməkdənsə, onu can verərəkən görməyi seçər.
  • Bir sirri davamlı olaraq saxlamaq insanın ruhunu ən çox kamilləşdirən şeydir.
  • Böyük insanlara xırdaçılıq hissi yaddır.

CRedaktə

  • Cəmiyyətin gələcəyi – anaların əlindədir.
  • Ciddilik xarakterin əsasıdır.

DRedaktə

  • Dost üçün kürəyimi körpü etməyə hazıram mən: Yetər ki təmiz ürəkləri daşıyan ayaqlar keçsin üzərimdən.
  • Düşünmək görməkdir.

ERedaktə

  • Ehtiyac əməyi, əmək biliyi doğurmuşdur. [3]

ƏRedaktə

  • Əsl istedada hər şey sadədir, açıqdır və hər cür şübhədən uzaqdır.
  • Əsl məhəbbətin nə olduğunu yalnız analar bilir.

GRedaktə

  • Gözəllik çox vaxt qüsurları gizlədən bir örtükdür.
  • Gözləyə bilənə hər şey öz vaxtında gəlir. [4]

HRedaktə

  • Heç bir sevgi və şəfqət, ana sevgisinin və şəfqətinin yerini verməz.
  • Heç bir kəs bütöv bir millətdən daha ağıllı olmaq haqqı və ixtiyaratına sahib deyildir.
  • Hər iztirab insana başqa bir şey öyrədir.
  • Hər hansı bir elmin açarı sual işarəsidir. [5]
  • Hərislik və tamah başlayan yerdə saf duyğular sona çatar.
  • Həyat beşiklə məzar arasındakı sınaq müddətidir. [6]
  • Hökumətlər və ərlər yanıldıqlarını heç bir zaman qəbul etməzlər.

XRedaktə

  • Xatirələr həyatı gözəlləşdirə bilərlər, amma həyatda ayaq üstə dura bilməyimizin səbəbi unutqanlığımızdır.
  • Xəsislik kasıblığın qurtardığı yerdən başlayır.
  • Xoşbəxtliyin yolu zəhmət və cəsarətdən keçir.

İRedaktə

  • İdeya faktdan üstündür. [7]
  • İdeyaları yalnız ideyalar zərərsizləşdirə bilər. [8]
  • İncəsənət dindir, onun öz kahinləri var, amma şəhidləri də olmalıdır.
  • İnsan öz əqidəsini elan kimi divardan asmamalıdır. [9]
  • İnsan öz zəifliyini etiraf etdikdə qüvvətli olur.
  • İnsan ruhunda açılan yaradan da ölür.
  • İnsana şux geyinməkdən daha çox ağlın zənginliyi vacibdir.
  • İztirabların ən gizliləri dözülməsi ən çətin olanlardır.

KRedaktə

  • Kim ki, milyonları axtarır, onları nadir hallarda tapır, kim ki, axtarmır, heç zaman tapmır.
  • Kin kini bitirməz, eşq bitirər.
  • Kişi sevdiyi işdə işləyirsə, nadir hallarda işinə görə sağlamlığı pozular.
  • Kişilərin ən ortaq nöqtəsi qadınlar haqda sahib olduqları biliklərdir.
  • Krallar müəyyən vaxtlarda insanlar üzərində hökmranlıq etdikləri halda, sənətkarlar əsrlər boyu insanlar üzərində hökmranlıq edə bilirlər.

QRedaktə

  • Qadın ana olandan sonra kamilləşir.
  • Qadın instinkti böyük insanların uzaqgörənliyinə bərabərdir. [10]
  • Qadını idarə etməyi bacaran dövləti də idarə edər.
  • Qadının həyatı sevgi,duyğu,dözüm və fədakarlıqdan yoğrulub.
  • Qadının sizdən məsləhəti istəməsi o demək deyil ki, sizin məsləhətinizə ehtiyacı var, o, sadəcə, özünə həmsöhbət axtarır..
  • Qadınlar özgəsinə mənsub olan kişiyə qələbə çalmağı sevirlər.
  • Qadınsız ev məzar kimidir.
  • Qarşılıqlı olmasa da, sevmək gözəldir. [11]
  • Qızıldan olan zəncirlər ən ağır zəncirlərdir.

MRedaktə

  • Məhəbbət — bizim ikinci doğuluşumuzdur. [12]
  • Məhəbbət çox qəribə qəlp pul kəsəndir. O, təkcə misi qızıla çevirmir, bəzən də qızılı misə çevirir.
  • Məhəbbət — hisslərin poeziyasıdır. [13]
  • Məhəbbət elə bir ehtirasdır ki, nə keçmişi, nə də gələcəyi tanıyır.[14]
  • Mərhəmət insani dəyərlərin şahıdır.
  • Millət dili olan cəmiyyətdir.[15]
  • Müəllimi olmayan millət hələ millət adını daşımağa layiq deyil.

NRedaktə

  • Nə edirsən et,necə yaşayırsan yaşa:amma gülə bilmək üçün kimisə ağlatma və öz mənafeyin üçün kimisə satma.

ÖRedaktə

  • Övladı olan ana heç vaxt azad qadın hesab oluna bilməz.
  • Öz zəifliyini qəbul edərək insan güclənir.
  • Özünə vurğunluq dostluq üçün zəhərdir.

PRedaktə

  • Paxıllıq nifrətin ən fəal ünsürlərindən biridir.

SRedaktə

  • Sevən bir qadın üçün sevdiyi kişinin üzü, ona dənizin dənizçiyə göründüyü kimi görünür.
  • Məhəbbət çox qəribə qəlp pul kəsəndir. O, təkcə misi qızıla çevirmir, bəzən də qızılı misə çevirir.
  • Sevmək bir başqasının həyatını yaşamaqdır.
  • Səbirli olmağı bacaran gec-tez öz istəyinə çatacaq.
  • Sənət millətin libasıdır.
  • Sənətin vəzifəsi, təbiətin surətini çıxarmaq deyil, təbiəti ifadə etməkdir...
  • Sıfıra bənzər insanlar vardır. Onlar hər zaman qarşılarında bir rəqəmə ehtiyac duyurlar. [16]

TRedaktə

  • Tək özün danışsan həmişə haqlı olacaqsan. [17]

VRedaktə

  • Vaxtı öldürmək ən bahalı əyləncədir.
  • Vicdan bahalı bir xüsusiyyətdir. Ucuz insanlarda olmur.
  • Vicdan, nə qədər ki, biz onu ləkələməmişik, çox qabil və səhv etməyən hakimdir.
  • Vicdan nəsihətlərinə əməl etmək adama xoş gəlir.
  • Vicdanın nəsihətlərinə əməl etmək adama xoş gəlir.

YRedaktə

  • Yaxşı ər heç vaxt axşam birinci yatmır və səhər sonuncu oyanmır.
  • Yaxşı yazmaq üçün fikirləşməyi öyrənmək lazımdır.
  • Yalançılıq peşə olaraq elan edilməlidir artıq, çünki çox ustası var.
  • Yazıçı həyatı toqquşmaların böyük salnaməçisidir.
  • Yoxsulluğun hökm sürdüyü yerdə nə utanmaq qalar, nə cinayət, nə namus, nə də ruh.
  • Yuxunun məğlub etmədiyi heç bir ağrı yoxdur.

İstinadlarRedaktə

  1. Aforizmlər: seçilmişlərdən seçilmişlər. Prof. Dr. Səlahəddin Xəlilovun təqdimatında. Bakı: Çaşıoğlu, 2012, səh. 99
  2. Aforizmlər: seçilmişlərdən seçilmişlər. Prof. Dr. Səlahəddin Xəlilovun təqdimatında. Bakı: Çaşıoğlu, 2012, səh. 476
  3. Aforizmlər: seçilmişlərdən seçilmişlər. Prof. Dr. Səlahəddin Xəlilovun təqdimatında. Bakı: Çaşıoğlu, 2012, səh. 476
  4. Aforizmlər: seçilmişlərdən seçilmişlər. Prof. Dr. Səlahəddin Xəlilovun təqdimatında. Bakı: Çaşıoğlu, 2012, səh. 135
  5. Aforizmlər: seçilmişlərdən seçilmişlər. Prof. Dr. Səlahəddin Xəlilovun təqdimatında. Bakı: Çaşıoğlu, 2012, səh. 490
  6. Aforizmlər: seçilmişlərdən seçilmişlər. Prof. Dr. Səlahəddin Xəlilovun təqdimatında. Bakı: Çaşıoğlu, 2012, səh. 148
  7. Aforizmlər: seçilmişlərdən seçilmişlər. Prof. Dr. Səlahəddin Xəlilovun təqdimatında. Bakı: Çaşıoğlu, 2012, səh. 312
  8. Aforizmlər: seçilmişlərdən seçilmişlər. Prof. Dr. Səlahəddin Xəlilovun təqdimatında. Bakı: Çaşıoğlu, 2012, səh. 312
  9. Aforizmlər: seçilmişlərdən seçilmişlər. Prof. Dr. Səlahəddin Xəlilovun təqdimatında. Bakı: Çaşıoğlu, 2012, səh. 67
  10. Aforizmlər: seçilmişlərdən seçilmişlər. Prof. Dr. Səlahəddin Xəlilovun təqdimatında. Bakı: Çaşıoğlu, 2012, səh. 244
  11. Aforizmlər: seçilmişlərdən seçilmişlər. Prof. Dr. Səlahəddin Xəlilovun təqdimatında. Bakı: Çaşıoğlu, 2012, səh. 225
  12. Aforizmlər: seçilmişlərdən seçilmişlər. Prof. Dr. Səlahəddin Xəlilovun təqdimatında. Bakı: Çaşıoğlu, 2012, səh. 202
  13. Aforizmlər: seçilmişlərdən seçilmişlər. Prof. Dr. Səlahəddin Xəlilovun təqdimatında. Bakı: Çaşıoğlu, 2012, səh. 202
  14. Aforizmlər: seçilmişlərdən seçilmişlər. Prof. Dr. Səlahəddin Xəlilovun təqdimatında. Bakı: Çaşıoğlu, 2012, səh. 210
  15. Aforizmlər: seçilmişlərdən seçilmişlər. Prof. Dr. Səlahəddin Xəlilovun təqdimatında. Bakı: Çaşıoğlu, 2012, səh. 302
  16. Aforizmlər: seçilmişlərdən seçilmişlər. Prof. Dr. Səlahəddin Xəlilovun təqdimatında. Bakı: Çaşıoğlu, 2012, səh. 38
  17. Aforizmlər: seçilmişlərdən seçilmişlər. Prof. Dr. Səlahəddin Xəlilovun təqdimatında. Bakı: Çaşıoğlu, 2012, səh. 395

MənbəRedaktə

  • Ağıla və qəlbə işıq saçan sözlər. Bakı, 2014

Xarici keçidlərRedaktə

Vikianbarda Onore de Balzak ilə əlaqəli mediafayllar var.