Təsəvvür



A B C Ç D E Ə F G H X  İ   J  K Q L M N O Ö P R S Ş T U Ü V Y Z


ARedaktə

  • Allah haqqında ona layiq olmayan təsəvvürün olmasındansa, onun haqqında heç bir təsəvvürü nolmaması yaxşıdır. Frensis Bekon
  • Arzu - gördüklərimiz deyil, təsəvvür etdiklərimizdir. Paulo Koelyo

BRedaktə

  • Başqasından öyrəndiyim biliklə kifayətlənməyi təsəvvür edə bilmirəm; başqasının biliyi bizə nəyi isə öyrətsə də, müdrik yalnız öz müdrikliyinin һesabına ola bilərsən. Mişel de Monten
  • Bataqlıq bəzən dərinlik təsəvvürü yaradır. Stanislav Eji Lets
  • Bir bina tikintisində işləyən bir işçi olaraq ya bütöv planı bilmir, ya da həmişə aydın şəkildə təsəvvür etmir, buna görə həyatının fərdi günlərinə və saatlarına xidmət edən bir insan, ümumi bir fikrə sahib deyil. Artur Şopenhauer
  • Biri başqa birini qəbul edəndə düşünür: “Toyuq oğlu toyuq, səni nə pəncərədən atardım...”- digəri isə belə düşünür: “Murdar pota, sənin o sifətinə nə tüpürərdim... Təsəvvür edin ki, bu “nə” mövcud deyil. O zaman bu həmsöhbətlər arasında hansı fikir mübadiləsi baş verərdi? Saltıkov-Şedrin
  • Biz sanki gözübağlıca oynayaraq həzz dalınca qaçırıq və ona çatanda gözümüzdəki sarğını açırıq və bu həzzin heç də bizim təsəvvür etdiyimiz kimi olmadığının şahidi oluruq. Pyer Büast
  • Bu ehtiras məndə ona qarşı həvəs oyadacaq qədər, mənim onu güya sevdiyim barədə təsəvvür yaratmağa məcbur edəcək qədər gücə malikdir. Teodor Drayzer

ÇRedaktə

  • Çox yaxşı müsbət adam surətini onu yalnız gülünc təsəvvür etməklə yaratmaq mümkündür. Don Kixot təkcə ona görə çox yaxşı adamdır ki, o eyni zamanda həm də gülüncdür... Gülünc vəziyyətə düşmüş və özündəki yaxşılıqların qədir–qiymətini bilməyən adama acımaq elə əslində oxuculardakı hüsn-rəğbətdir. Fyodor Dostoyevski

ERedaktə

  • Elm, ölçüyə başlanıldığı andan başlayır. Dəqiq elmləri ölçüsüz təsəvvür etmək çətindir. Dmitri Mendeleyev
  • Endrü Karnegi motivasiyanın altı qaydası:
  1. Sahib olmaq istədiyiniz pulun dəqiq miqdarını təyin edin. "Çox pula sahib olmaq istəyirəm" demək kifayət deyil. Konkret və konkret olun.
  2. İstədiyiniz sərvət üçün nə ödəməyə hazır olduğunuzu vicdanla söyləyin.
  3. Bu pula sahib olacağınız müddəti planlaşdırın.
  4. İstəyinizi yerinə yetirmək üçün konkret bir hərəkət planı hazırlayın və bunu həyata keçirməyə hazır olsanız dərhal hərəkətə başlayın.
  5. Düşündüyünüz hər şeyi yazın: pulun miqdarını, nə vaxt əldə etmək istədiyinizi, əvəzində nə bağışlamaq istədiyinizi, hərəkət planını.
  6. Hər gün yatmazdan əvvəl və səhər oyandıqdan sonra, gözlərinizi yumaraq, qeydlərinizi yüksək səslə, açıq şəkildə, aramla danışın. Oxuduqca təsəvvür edin, hiss edin və inanın ki, pul artıq sizə məxsusdur. Endrü Karnegi

ƏRedaktə

  • Ən cəsarətli fantaziya adi həyatda rast gəlinən qeyri-adi və əcaib halları təsəvvür etmək iqtidarında deyil. Artur Konan Doyl

FRedaktə

  • Fəzilət növlərinin əhatə etdiyi anlayışlar bunlardır. Bunların bəzilərinin tərkibinə daxil olanları isə hədsiz-hüdudsuz təsəvvür etmək olar, onların bəzilərinin özünəməxsus adı var, bəzilərinin isə yoxdur... Nəsirəddin Tusi

HRedaktə

  • Hafizə ona deyilir ki, ağıl, təsəvvür, təfəkkür və ya təxəyyül vasitəsilə ümumiləşdirilib yığcamlaşdırılmış anlayışlar (surətlər) yaxşı mühafizə edilib, yaxşı yadda saxlanıla bilsin. Nəsirəddin Tusi
  • Həmişə deyirdim ki, qadın yaxşı bir dəhşət filmi kimi olmalıdır: təsəvvür üçün nə qədər boş yer qalsa, o qədər yaxşıdır. Alfred Hiçkok
  • Hər kəs cənnəti özü üçün başqa cür təsəvvür edir, mən isə uşaqlıqdan cənnəti kitabxana kimi xəyal edirdim. Xorxe Luis Borxes
  • Hər şeyə sahib olanda və hələ də çarəsiz qalanda nə qədər dəhşətli olduğunu təsəvvür edə bilirsənmi? Səhnədə o qədər güclüyəm ki, sanki bir canavar yaratmışam. Mən ifa edərkən gedən insanam, amma içimdə tamamilə fərqli bir adamam. Freddi Merkyuri

XRedaktə

  • Xüsusi vacib bir günün həyatınızdan silindiyini təsəvvür edin və həyatınızın başqa bir şəkildə necə dəyişə biləcəyini düşünün. Çarlz Dikkens

İRedaktə

  • İnsan beyni nəyi təsəvvür edə və inana bilərsə ona nail ola bilər.[1] Napoleon Hill
  • İnsan dühasının ən böyük nailiyyəti onun artıq təsəvvür edə bilmədiyi şeyləri dərk etməsindədir. Lev Landau
  • İnsan haqqında danışarkən bütövlükdə bütün bəşəriyyəti təsəvvür edirik və ayrıca bir şəxsə elm metodlar tətbiq edərkən bu fiziki faktı nəzərə almaq lazımdır. Məgər bu gün bu milyon fərdlərin, sonsuz tiplərin, xarakterlərin bütöv bir vahid təşkil etməsinə kimsə şübhə edə bilərmi? Nikola Tesla
  • İnsan zehninin ikinci xüsusiyyəti, insanların uzaq və bilinməyən şeylər haqqında heç bir təsəvvür yarada bilmədikləri yerdə, bilinən və mövcud olan şeylərə görə mühakimə etmələridir. Cambattist Viko
  • İnsanlar düşündüklərindən çox əxlaqi, təsəvvür etmədiklərindən çox əxlaqsızdırlar. Ziqmund Freyd

KRedaktə

  • Kommunizmə nifrət edirəm, çünki bu azadlığın inkarıdır və mənim üçün insanı azadlıq olmadan təsəvvür etmək mümkün deyil. Mən kommunist deyiləm, çünki kommunizm cəmiyyətin bütün gücünü dövlətdə cəmləşdirir, bu mülkiyyətin tamamilə dövlətin əlinə verilməsidir; bu qurumun ləğv edilməsini, yox edilməsini istəyirəm. İnsanları əxlaqlandırmaq və mədəni etmək bəhanəsi ilə bu günə qədər yalnız tabe edilmiş, əzilmiş, istismar edilmişdir və bu, pozulmuş dövlətin hakimiyyət prinsipinin və himayəsinin radikallığıdır. Cəmiyyətin və kollektiv və ya sosial mülkiyyətin aşağıdan yuxarıya, sərbəst birləşmə yolu ilə, yuxarıdan aşağıya, hər hansı bir səlahiyyət forması vasitəsi ilə qurulmasını istəyirəm. Mixail Bakunin

MRedaktə

  • Mən ancaq onu deyə bilərəm ki, bu əzəmətli və ecazkar kainatın bizim özümüzü dərk etmə ilə birlikdə təsadüfən yaranmasını təsəvvür etməsinin mümkün olmaması, mənə Allahın varlığının lehinə əsas dəlil kimi görünür, amma bu arqumentin real dəyəri olub-olmadığına heç vaxt qərar verə bilmirəm. Bilirəm ki, əgər əsas səbəbi etiraf etsək də, ağıl hələ də kainatın haradan və necə əmələ gəldiyini öyrənməyə can atacaq. Çarlz Darvin
  • Mən Xeyirin Şərə yalnız axirətdə qalib gələcəyini iddia edən məşhur alman filosofu cənab Kantla heç vaxt razılaşa bilmərəm. Xeyir Şərə hər gün, hər saat, hər an qalib gəlir. Hətta ola bilsin ki, Şər bizim təsəvvür etdiyimizdən daha zəifdir. Qarşımızda inkaredilməz sübutlar var, əgər qələbə xeyirin yanında olmasaydı, bəşəriyyət inkişaf edə, çoxala, vahid millət ola, kəşflər, ixtiralar edə, yarada, fəzanı fəth edə, insan hüquqlarını elan edə bilməzdi.İşin bir tərəfi budur ki, Şər gurultulu, yüksək səslidir və insan onu kədərləndirəni sevindirəndən daha çox xatırlayır. Şairimiz Əbül-Əla çox haqlıdır: ölüm vaxtının kədəri doğum vaxtının sevincindən yüz qat artıqdır. Nəcib Məhfuz
  • Mənə elə gəlir ki, sanki canlı bir planetəm və ideyalar çevrəsinə qoşulmuşam. Amma təsəvvür edə bilmirəm ki, nə istəyirəm, nəyi düşünürəm, hansı qərara gəlirəm. Nəyi sevmədiyimi, nəyi istəmədiyimi də bilmirəm. Mən öz doğuluşumdan əvvəl yaranmışam. Mən özümü seçə bilməzdim. Mən – seçilmişəm. Ona görə də əlimə düşmüş "Mən”dən istifadə etməliyəm. Rabindranat Taqor
  • Məntiq sizi A-dan B-yə aparacaq. Təsəvvür sizi hər yerə aparacaq. ABŞ atalar sözləri

NRedaktə

  • Nə təxəyyül, təsəvvür, nə də istedad olmayan yerdə internasionalist olmaqdan başqa çarə qalmır. Adolf Hitler

ORedaktə

  • Oğluna baxıb atanı təsəvvür edərlər. Əfqan atalar sözləri
  • Oxucu, təsəvvür et ki, sən yaramazsan. İndi isə təsəvvür et ki, sən konqessmensən. Deyəsən, təkrarlığa yol verdim. Mark Tven
  • 19 yaşım olanda sevgilim mənə Yeni il hədiyyəsi kimi Selincerin 50-ci illərdə kiməsə yolladığı açıqcanı almışdı. Açıqcada “Yeni ilin mübarək” sözündən və imzadan başqa heç nə yox idi. Neçə illər onu saxladım, bundan dəhşətli əzab çəkirdim. Nəhayət, məktubu Selincerə göndərməyi qərara aldım və yazdım: “Əziz Selincer, mən bu açıqcanı hədiyyə kimi almışam, indi onu sizə geri qaytarmaq istəyirəm, çünki sizin şəxsi həyatınızın gizliliyi hüququnuza sonsuz hörmət edirəm”. Təsəvvür edirsiniz nə oldu? “Çox sağ olun” – deyə cavab məktubu aldım. Vaynona Rayder

ÖRedaktə

  • Ölümdən qorxmaq, malik olmadığın müdrikliyi, yəni bilmədiyin şeyi bildiyini düşünmək kimi özünə aid etməkdən başqa bir şey deyildir. Çünki, heç kim ölümün, onun böyük bir xoşbəxtlik olduğunu bilmir, amma onun sanki ən pis bir şey olduğunu bilib ondan qorxurlar. Ancaq bilmədiyin bir şeyi bildiyini təsəvvür etmək ən rüsvayçl bir cahillik deyilmi? Platon
  • Ölümə məhkum bir insanda yaşamaq eşqinin nə qədər güclü olduğunu təsəvvür edə bilsəydiniz, ən qüssəli günləriniz də sizə gözəl görünərdi. İbn Sina
  • Özündən yuxarılar tərəfindən dəstəkləndiyini hiss edən miskindən təkəbbürlü adam təsəvvür etmək olmaz. Napoleon Bonapart

PRedaktə

  • Poeziya incəsənətin ali növüdür. Bütün başqa incəsənətlər öz yaradıcılıq fəaliyyətində istifadə etdiyi materiallarla az və ya çox dərəcədə sıxışdırılır və məhdudlaşdırılır. Digər tərəfdən, poeziya, səsli, şəkilli, aydın təsəvvür yaradan sərbəst yaradıcı bir sözlə ifadə edilir. Ona görə də poeziya digər incəsənətlərin bütün elementlərini özündə cəmləşdirir. Vissarion Belinski

SRedaktə

  • Sadəcə öz həyatını təsəvvür etməlisən və o reallaşacaq. Con Apdayk
  • Sarsaqlıq səhv təsəvvür üçün istedaddır. Edqar Allan Po
  • Siyasi mübahisədə ən çətin şey öz mövqeyini müdafiə etmək yox, mövqe haqqında aydın təsəvvürün olmasıdır. Andre Morua
  • Siz bilirsiniz, kinoda çəkilmək nə deməkdir? Təsəvvür edin ki, hamamda çimirsiz və orada bir dəstə adam ekskursiya keçir. Faina Ranevskaya
  • Subay kəbin ittifaqında malik olacağı dəyərləri təsəvvür etmir. O, qayçının yarısına oxşar olaraq mükəmməl olmayan varlıqdır. Bencamin Franklin

TRedaktə

  • Təsəvvür edə bilərsinizsə, yarada bilərsiniz. Hər şeyin bir siçanla başladığını heç vaxt unutmayın. Uolt Disney
  • Təsəvvür faktlardan daha vacibdir. Albert Eynşteyn

VRedaktə

  • Vətəninə bağlı olduğunuzu nə qədər çox hiss etsəniz, onu canlı bir orqanizm kimi daha real və daha həvəslə təsəvvür edəcəksiniz. Aleksandr Blok

YRedaktə

  • Yalnız o şeyi həqiqi hesab etmək lazımdır ki, o, tamamilə açıq və aydın təsəvvür olunur. Rene Dekart
  • Yəhudi olmaq istəyirdim. Sonra bildim ki, əslində nasistəm, çünki ailə üzvlərim alman idi. Mən nə deyə bilərəm? Hitleri başa düşürəm, amma düşünürəm ki, pis işlər görüb. Sonda sığınacağında oturduğunu təsəvvür edə bilərəm. Yaxşı adam deyiləcək biri deyil, amma mən onu bir az başa düşürəm və bir az da ona yazığım gəlir. Ancaq İkinci Dünya Müharibəsini dəstəkləmirəm və yəhudilərə də qarşı deyiləm. Lars fon Trier

İstinadlarRedaktə

  1. Brayan Treysi. Bəhanələrə yox! daxili intizamın gücü. Bakı, 2013.səh.74