Kömək

---

A

B

C

Ç

D

E

Ə

F

G

H

X

İ

J

K

Q

L

M

N

O

Ö

P

R

S

Ş

T

U

Ü

V

Y

Z

---

A

• Adam acıqlananda quyuya atıla bilər, ancaq yeddi qat artıq acıq oradan çıxmağa kömək edə bilməz. Malayal atalar sözləri
• Ağlı olmayana bütün dünyanın zəkası da kömək edə bilməz. Fridrix Şiller
• Ağıl olmayanda gözdən də kömək olmaz. Tai atalar sözləri
• Allahsız nə Amerika hökumət forması, nə də Amerika həyat tərzi ola bilər. Ali Varlığın tanınması amerikanlığın ilk, ən əsas ifadəsidir. Beləliklə, Amerikanın qurucuları bunu gördülər və beləliklə, Allahın köməyi ilə bundan sonra da belə olacaq.Duayt Eyzenhauer
• Antibiotiklərdən geniş istifadə antibiotik müqavimətinin yayılmasına kömək edir. Antibiotiklərdən ağıllı istifadə onun yayılmasına nəzarət etmək üçün açardır. Abdul Kalam
• Atlını at nəinki atmır, hətta qəbrini qazmağa da kömək edir. Tamil atalar sözləri

B

• Belə bir qəribə fakt mövcuddur: bizim üçün çox əhəmiyyətli ola biləcək, Kainatın sirrlərini açmağa köməyi dəyəcək və həyatın verdiyi dərdlərin öhdəsindən gəlməyimizi təmin edəcək biliklər mədəni dəyərlərimizin arxa plana atdığı biliklərin arasında ön sıralardadır. Bunlar digərlərinə nisbətən doğruluğu ən az isbatlanmış biliklərdir. Ziqmund Freyd
• Bu həyatda ilk məqsədimiz digərlərinə kömək etməkdir. Əgər kömək etmirsinizsə, ən azından pislik etməyin. Tenzin Gyatso
• Bu uzaq nöqtədən Yer xüsusi maraq doğurmaya bilər. Amma bizim üçün fərqlidir. Bu nöqtəni bir daha nəzərdən keçirin. Ora bura, o ev, o bizik. Onun üzərində sevdiyiniz hər kəs, tanıdığınız hər kəs, indiyə qədər eşitdiyiniz hər kəs, indiyə qədər olan hər bir insan öz həyatını yaşadı. Sevincimizin və iztirabımızın məcmusu, minlərlə inamlı dinlər, ideologiyalar və iqtisadi doktrinalar, hər ov və ovçu, hər qəhrəman və qorxaq, sivilizasiyanın hər yaradıcısı və məhvedicisi, hər bir kral və kəndli, hər sevgi dolu gənc cütlük, hər ana və ata, ümidli uşaq, ixtiraçı və kəşfiyyatçı, hər bir əxlaq müəllimi, hər korrupsioner siyasətçi, hər bir “super ulduz”, hər bir “ali lider”. Yer böyük bir kosmik arenada çox kiçik bir mərhələdir. Bütün o generallar və imperatorlar tərəfindən tökülən qan çaylarını düşünün ki, onlar şöhrət və zəfər içində bir nöqtənin bir hissəsinin ani ustası ola bilsinlər. Bu pikselin bir küncünün sakinlərinin başqa bir küncün çətin ki, fərqlənən sakinlərinə baş çəkdikləri sonsuz qəddarlıqları, onların nə qədər tez-tez anlaşılmazlıqlar etdiyini, bir-birlərini öldürməyə nə qədər həvəsli olduqlarını, nifrətlərinin necə qızğın olduğunu düşünün. Duruşlarımız, təsəvvür edilən öz əhəmiyyətimiz, Kainatda hansısa imtiyazlı mövqeyə malik olduğumuza dair aldanışımız bu solğun işıq nöqtəsi ilə mübahisə edir. Planetimiz böyük kosmik qaranlıqda tənha bir ləkədir. Bizim qaranlıqda, bütün bu genişlikdə bizi özümüzdən xilas etmək üçün başqa yerdən kömək gələcəyinə işarə yoxdur. Yer bu günə qədər həyatın yaşadığı yeganə dünyadır. Ən azından yaxın gələcəkdə növlərimizin köçə biləcəyi başqa heç bir yer yoxdur. Ziyarət, bəli. Razılaşın, hələ yox. İstəsək də, istəməsək də, bu an üçün Yer bizim dayandığımız yerdir. Astronomiyanın alçaldıcı və xarakter formalaşdıran bir təcrübə olduğu deyilir. Bəlkə də kiçik dünyamızın bu uzaq görüntüsündən daha yaxşı insan təkəbbürünün axmaqlığının nümayişi ola bilməz. Mənə görə, bu, bir-birimizlə daha mehriban davranmaq və indiyə qədər tanıdığımız yeganə ev olan solğun mavi nöqtəni qorumaq və əzizləmək bizim məsuliyyətimizi vurğulayır. Karl Saqan
• Büdrəyib yıxılanda, bədbəxtlik üz verəndə əqildən başqa heç nə insana kömək edə bilməz. Kəlilə və Dimnə

C

• Cahillik hələ heç vaxt heç kəsə kömək etməmişdir. Karl Marks
• Cəsarətin qəzəbin köməyinə ehtiyacı yoxdur. Çünki, onun özü hər cür müqavimətə qarşı öyrədilib, hazırlanıb və silahlanıb. Başqa cür desək, cəsarətə sərxoşluq da, ağılsızlıq da faydalıdır. Çünki, sərxoşlar da, ağılsızlar da gücləri ilə fərqlənirlər. Mark Tulli Siseron

Ç

• Çıxmağıma kömək edin. Enəndə, necə olsa da, yalnız qalacam. (Edam kürsüsünə çıxarkən cəllada dediyi son sözü) Tomas Mor
• Çox vaxt əzm və iradə zəif ağlın daha güclü ağla qalib gəlməsinə kömək edir. Andre Berte

D

• Dərdə göz yaşı kömək etməz. Rus atalar sözləri
• Digərinin sevmədiyimiz xüsusiyyətləri, özümüzü tapmağa kömək edə bilər. Karl Qustav Yunq
• Dosta heç olmasa hay verməklə kömək elə. Ərəb atalar sözləri

E

• Ehtiyat olmayan yerdə heç bir hikmət kömək edə bilməz. Alman atalar sözləri
• Elm həyatı öyrənməyə kömək edir, amma yaxşı yaşaya bilmək ayrı hikmətdir. Jan de Labrüyer

Ə

• Əvvəlcə sən özün kömək elə, sonra qoy sənə kömək eləsinlər.vvəlcə sən özün kömək elə, sonra qoy sənə kömək eləsinlər. Monqol atalar sözləri

G

• Gözəlliyin qayğısına qaldıqda ilk öncə qəlb və ürəkdən başlamaq lazımdır. Yoxsa heç bir kosmetika kömək etməz. Koko Şanel

H

• Hədəfi olmayan gəmiyə heç bir külək kömək etməz. Mişel de Monten

X

• Xalq ayağa qalxanda necə də amansız olur. O, öz yolunda heç nəyə rəhm etmir, heç kəsin kömək çağırışlarını eşitmir, darda olan heç kəsə yardım etmir. Müəmmər əl-Qəzzafi

İ

• İqtidara gəlirsinizsə, hərəkətlərinizə diqqət yetirin. Qürurlu olmayın, özünü bəyənmişlik etməyin. Sizə aid olmayan şeyləri götürməyin, gücsüzlərə kömək edin və əxlaq qaydalarına riayyət edin. Unutmayın ki, sonsuz iqtidar yoxdur. Hər iqtidar keçicidir və hər kəs, əvvəl-axır, əvvəl millətin və nəhayət Allahın önünə hesab verəcək. Aliya İzzetbeqoviç
• İncəsənət bizi həqiqəti anlamağa kömək edən yalandır. Pablo Pikasso
• İstiqamətsiz üzənlərə əsən külək kömək etməz. Çin atalar sözləri

K

• Kasıba kömək edən, Tanrıya borc vermiş kimidir. Alfred De Viqni
• Kiçik bacı yıxılır - böyük bacı kömək edib qaldırır; iş düşür, böyük yıxılır - kiçiyi ona gülür. Vyetnam atalar sözləri

Q

• Qocalara, yoxsullara, yetimlərə kömək əli uzatmaqla həmişə sevinc içində olarsınız. Corc Herbert
• Qonşu dost olsa həmişə kömək istəmək olar. Udmurt atalar sözləri

O

• O adama kömək elə ki, köməyi qiymətləndirir. Fin atalar sözləri

Ö

• Öz qardaşına baxıb mehribanlıqla gülümsəmək – savabdır; insanı xeyirxah hərəkətlərə sövq etmək və qanunsuz işlərdən çəkindirmək savabdır. Nabələd adamlara yol göstərmək və korlara kömək etmək savabdır. Məhəmməd peyğəmbər
• Öz vətənini sevmək-bəşəriyyətin ideallarının həyata keçirilməsini ürəkdən arzu etmək və gücün çatan qədər buna kömək etmək deməkdir. Vissarion Belinski
• Özünüzə tək maneə sizsiniz, yolunuza davam edəcək tək insan da sizsiniz. Bu mövzuda kömək alacağınız tək insan da sizsiniz. Mixail Strabo

S

• Sən yağ-bal içində üzərkən qardaşlıqdan, dostluqdan dəm vuranlar çox da inanma, əsl dost o adamdır ki, sənin ağır vaxtlarında, ehtiyac məqamlarında kömək əlini uzatsın. Sədi
• Söz əsər etməyənə çubuq da kömək etməz. Sokrat

T

• Tanrı, özlərinə kömək edənlərə kömək edər. Bencamin Franklin
• Tənbəl insanlara kömək etməklə, sən onları boğazından asılmış yük olmağa kömək edirsən. Sun Dzı

Ü

• Ülfət ona deyilir ki, öz məişətlərini təmin etmək üçün müəyyən bir dəstə həmfikir və həməqidə olub, bir-birinə kömək etsin. Nəsirəddin Tusi
• Ürək qan olanda heç qızıl döşək də kömək edə bilməz. İndoneziya atalar sözləri

Y

• Yeməyə kömək, işləməyə də kömək. Azərbaycan atalar sözləri/Y
• Yeni bir avtomobil sizi sadəcə bir neçə həftə xoşbəxt edər. Yeni bir ev bir neçə ay. Gerçək xoşbəxtliyin açarı “xidmət” dədir. Digər insanlara “kömək” etməkdədir. Aldıqlarımızın deyil, verdiklərimizin üzərinə inşa edilən bir həyat gerçək xoşbəxtliyi gətirər. Robin Şarma
• Zalım şəxsin üç əlaməti vardır; günaha batıb özündən üstünə zülm edər; özü hakim olduqda özündən aşağıya zülm edər; zülmkara kömək göstərərək zülm edər. Əli