Qız
| A | B | C | Ç | D | E | Ə | F | G | H | X | İ | J | K | Q | L | M | N | O | Ö | P | R | S | Ş | T | U | Ü | V | Y | Z |
A
redaktə- Alınmamış qız deyingən olar. Abxaz atalar sözləri
- Altı şey bədəni atəşsiz yandırır: pis bir kənddə yaşamaq, pis bir hökmdara qulluq etmək, keyfiyyətsiz yemək, əsəbi arvad, axmaq oğul və dul qız. Çanakya
- Ana hara - qız da ora. Lak atalar sözləri
B
redaktə- Balaca qız ikən heç kim mənə gözəl olduğumu söyləməmişdi. Bütün kiçik qızlara gözəl olduqlarını söyləmək lazımdır, hətta olmasalar da. Merilin Monro
- Başısoyuq oğuldan kor qız yaxşıdır. Kürd atalar sözləri
- Belə fikir var ki, xristian dininə bağlı olmasaq, hamımız üçün pis olar. Mənə elə gəlir ki, buna sadiq qalan insanlar çox pis insanlar olublar. Siz bu maraqlı həqiqəti görürsünüz ki, hər hansı bir dövrdə din nə qədər güclü və doqmatik inanc nə qədər dərin olsa, qəddarlıq da bir o qədər çox olmuş, vəziyyət də bir o qədər pis olmuşdur. İnsanlar həqiqətən xristian dininə bütün tamlığı ilə inandıqları zaman, bütün işgəncələri ilə birlikdə inkvizisiya var idi; cadugər kimi yandırılan milyonlarla bədbəxt qadın var idi; din adı altında hər cür insana qarşı hər cür qəddarlıq edilirdi. Siz dünyaya nəzər saldıqda görürsünüz ki, insani hisslərdə hər bir irəliləyiş, cinayət qanununda hər bir təkmilləşmə, müharibənin azaldılması istiqamətində atılan hər addım, rəngli irqlərə qarşı daha yaxşı rəftar istiqamətində atılan hər addım və ya köləliyin yumşaldılması, dünyada mövcud olan mənəvi tərəqqi, dünyanın mütəşəkkil kilsələri tərəfindən [davamlı]] olaraq qarşı çıxdı. Mən tamamilə qəsdən deyirəm ki, öz kilsələrində təşkil olunmuş xristian dini dünyada mənəvi tərəqqinin əsas düşməni olub və indi də belədir. Bir fakt götür. Bu, xoşagəlməz fakt deyil, lakin kilsələr insanı xoşagəlməz faktları qeyd etməyə məcbur edir. Fərz edək ki, bu gün yaşadığımız dünyada təcrübəsiz bir qız sifilisli kişi ilə evlidir; bu halda Katolik Kilsəsi deyir: “Bu, ayrılmaz bir müqəddəslikdir. Bekarlığa dözməli və ya birlikdə qalmalısınız. Birlikdə qalsanız, sifilitik uşaqların doğulmasının qarşısını almaq üçün kontraseptivlərdən istifadə etməməlisiniz." Bu yalnız bir nümunədir. Hazırda kilsənin əxlaq adlandırmaq üçün seçdiyi şeydə israrla hər cür insanlara layiq olmayan və lazımsız əzablar verməsinin bir çox yolu var. Bildiyimiz kimi, o, böyük ölçüdə dünyada əzab-əziyyəti azaldan bütün istiqamətlərdə hələ də irəliləyiş və təkmilləşmənin əleyhdarıdır, çünki o, əxlaq kimi müəyyən dar davranış qaydalarını qeyd etməyi seçmişdir. insan xoşbəxtliyi ilə heç bir əlaqəsi yoxdur; və siz deyəndə ki, bu və ya digər şeylər etmək lazımdır, çünki bu, insan xoşbəxtliyinə səbəb olacaq, bunun heç bir əlaqəsi olmadığını düşünürlər. “İnsan xoşbəxtliyinin əxlaqla nə əlaqəsi var? Əxlaqın məqsədi insanları xoşbəxt etmək deyil". Bertran Rassel
- Beş şey yaxşıdır: elm, ədalət, səxavət, səbr və həya. Elm - alimlərdə, ədalət - hakimlərdə, səxavət - varlılarda, səbr - yoxsullarda, həya - qız, gəlinlərdə. Ərəb atalar sözləri
- Bez alırsan - Mosuldan, qız alırsan - əsildən. (Mosul - şəhər adıdır.) Türk atalar sözləri
- Bəlkə onun gözəl qız olduğunu düşünürsən? O sadəcə olaraq ismətli və təvazökar idi. İndi insanda ən qiymətli şey onun şərəfidir. Rəşad Nuri Güntəkin
- Bir qız on oğula dəyər - qismətinə yaxşı adaxlı çıxsa. Benqal atalar sözləri
- Bir qızın qüsurlarını öyrənmək üçün onu bir qız yoldaşına tərifləyin. Bencamin Franklin
- Bir oğlanın bir qıza söyləyə biləcəyi ən gözəl söz "Bir daha ki sevəcəyim qız, bizim qızımız olacaq" deməsidir. Murathan Mungan
- Bütün qızlar yaxşıdır, bəs pis arvadlar haradan gəlir? İngilis atalar sözləri
C
redaktə- Cehizsiz qız naz eləməz. Fars atalar sözləri
- Cəhd et halal süd əmmiş bakirə qız al, anasının xasiyyətlərini də unutma. Mir Möhsün Nəvvab
D
redaktə- Dəli qız dayısından yaşınar. Azərbaycan atalar sözləri/D
- Dəli qız deyər:anasız olaydım, bədəsil gəlin deyər:qaynanasız. Azərbaycan atalar sözləri/D
- Dul arvadı qız adına almazlar. Azərbaycan atalar sözləri/D
- Dul qadınlar qızlardan daha çox ərə gedirlər. Çarlz Dikkens
E
redaktə- Ey gənc qız! Sənin sadəliyin gölün şəffaflığı kimidir, o sənin sədaqətinin dərinliyini göstərir. Rabindranat Taqor
Ə
redaktə- Ən yaxşı qız bərbad daxmadan çıxır. Türkmən atalar sözləri
- Ərsiz qız - sükansız gəmi, arvadsız oğul - yüyənsiz at. Vyetnam atalar sözləri
- Əvvəlki kimi olsa eşqlər.. Qız, sevdiyi kişinin əlini tutmağa utansa. Kişi sevdiyinin gözlərinə baxmağa qıya bilməsə. Can Dündar
- Əvvəllər gənc qız utananda qızarırdı, indi gənc qız qızaranda utanır. ABŞ atalar sözləri
F
redaktə- Fransanın ən gözəl qızı belə yalnız əlində olanı verə bilər. Fransız atalar sözləri
G
redaktə- Gənc qızların göz yaşları sanki səhər çiçəyinə bənzər: günəş çıxan kimi üzərindəki damlalar uçub-gedər. Aleksandr Puşkin
- Gözəl geyimli qız yaraşıqlı qızdan güclüdür. Vanda Blonskaya
- Gül açılar yaz olar, qız qarıyar söz olar. Teymur Bünyadov
- Gül bitəndə yerin, qız böyüyəndə millətin gözüdür. Özbək atalar sözləri
X
redaktə- Xalq qız verib quda qazandı, biz qız verib qada qazandıq. Azərbaycan atalar sözləri/X
- Xanım qız xalasına oxşar, yaxşı oğlan – dayısına. Azərbaycan atalar sözləri/X
İ
redaktə- İgidim sağ olsun, tapılmayan qız olsun. Oğuznamə
- 25 yaşlı subay qız və həmin yaşda olan evli qadın arasında uçurum qədər fərq var. Uilyam Somerset Moem
K
redaktə- Keçəl qız bacısının saçı ilə öyünər. Azərbaycan atalar sözləri/K
- Keçəl qız bəzənincə toy əldən getdi. Azərbaycan atalar sözləri/K
- Keçəl qız çeşmənin gözündən su içər. Azərbaycan atalar sözləri/K
- Keçəl qızı, saçlı deyib ağlama. Azərbaycan atalar sözləri/K
- Keçəl qızın baxtı açılanda yel vurar, şalını açar. Azərbaycan atalar sözləri/K
- Keçəl qızın nəyi var? – Başını qaşımağa dırnağı. Keçəl qızın nəyi var? – Dəmirdən bir darağı. Azərbaycan atalar sözləri/K
- Köhnə pambıq bez olmaz, dul arvaddan qız olmaz. Mir Möhsün Nəvvab
- Köhnə sevgilidən qalan yaranı, günahsız bir qızla bağlamağa çalışma. Çünki bir gün o namusuyla oynanan qız, sənin qızın ola bilər. Yılmaz Ərdoğan
Q
redaktə- Qabiliyyətsiz, mərifətsiz qızların,
Yüzü bir dərdimənd dul ola bilməz. Aşıq Ələsgər - Qarımış qız it saxlamağa, yaşlı subay isə heykəlciklər kolleksiyası toplamağa başlayanda birinci ərə getməməsini kompensasiya edir, ikinci isə çoxsaylı sevgi qələbələrinin illüziyasını yaradır. Bütün kolleksionerlər bir növ Don Juandırlar.[1] Ziqmund Freyd
- Qəbiristanlıqda yaxşı pişik tapılmaz, meyxanada yaxşı qız tapılmaz. Vyetnam atalar sözləri
- Qəhrəman qız: birlikdə ideal xoşbəxt həyat yaşamaq üçün qız- kitabda. Mark Tven
- Qız ağacı, qoz ağacı, hər keçən bir daş atar. Azərbaycan atalar sözləri/Q
- Qız alan alana kimi, qız verən ölənə kimi. Azərbaycan atalar sözləri/Q
- Qız alan göz ilə baxmasın, qulağı ilə eşitsin. Azərbaycan atalar sözləri/Q
- Qız anadan görməyincə öyüd almaz. Azərbaycan atalar sözləri/Q
- Qız anadan qorxmasa, öyüd almaz. Azərbaycan atalar sözləri/Q
- Qız anadan öyüd alar. Azərbaycan atalar sözləri/Q
- Qız alanın ya bir çuval pulu gərək, ya da bir çuğal yalanı. Azərbaycan atalar sözləri/Q
- Qız da, oğlan da övladdır, hər ikisi bir-birindən şirin. Azərbaycan atalar sözləri/Q
- Qız evi, naz evi. Azərbaycan atalar sözləri/Q
- Qız evində toydur, oğlan evinin xəbəri yox. Azərbaycan atalar sözləri/Q
- Qız evindən oğul bucağı yaxşıdır. Azərbaycan atalar sözləri/Q
- Qız evlərdə tanınar, ipək dəzgahda. Azərbaycan atalar sözləri/Q
- Qız, gəzintiyə çıx, amma işi xatırla. Rus atalar sözləri
- Qız həyatının sonuna qədər qız olaraq qalır, oğul isə evlənənə qədər. Tomas Fuller
- Qız ilə qızıl gizlin gərək. Azərbaycan atalar sözləri/Q
- Qız kəsilməmiş qarpıza bənzər. Azərbaycan atalar sözləri/Q
- Qız qarıyanda dayısınin boynuna düşər. Azərbaycan atalar sözləri/Q
- Qız qızanda tez soyuyar, vay ondan ki, dul qıza. Azərbaycan atalar sözləri/Q
- Qız qızıl alma, qızı gözdən salma. Azərbaycan atalar sözləri/Q
- Qız qundaqda, cehizi sandıqda. Azərbaycan atalar sözləri/Q
- Qız nəyi bilmirsə, o zaman rəngləyir. Rus atalar sözləri
- Qız tələbəni başını örtdüyü üçün təhsil hüququndan məhrum etmək, Qurtuluş savaşının əvvəlində və Maraşda çadranın düşmənlər tərəfindən çıxarılıb yerə salınması ilə başlayan milli yüksəlişin ruhuna tüpürmək deməkdir. Nəcib Fazil Qısakürək
- Qız uşağı dünyaya gələndə onu rəqqasə, oğlan uşağı dünyaya gələndə isə onu futbolçu et. Braziliya atalar sözləri
- Qız yükü - duz yükü. Azərbaycan atalar sözləri/Q
- Qızı otaqlıya yox, papaqlıya ver. Azərbaycan atalar sözləri/Q
- Qızı özbaşına qoysan, ya halvaçıya gedər, ya nağaraçıya. Azərbaycan atalar sözləri/Q
- Qızı saldın beşiyə, cehizi çək eşiyə. Azərbaycan atalar sözləri/Q
- Qızım sənə deyirəm, gəlinim, sən eşit. Azərbaycan atalar sözləri/Q
- Qızın döyməyən, dizin döyər. Azərbaycan atalar sözləri/Q
- Qızın göz yaşı günəş çıxanda şeh kimidir. Rus atalar sözləri
- Qızın isməti, atanın dövləti. Azərbaycan atalar sözləri/Q
- Qızın "yox"u imtina deyil. Rus atalar sözləri
- Qızını vermə dəli dəvəçiyə, dəvəsi gedər, dəlisi qalar. Azərbaycan atalar sözləri/Q
- Qızlar quş balalarına bənzəyirlər: tük yetişən kimi səpələnirlər. Rus atalar sözləri
- Qızların düşüncələri dəyişkəndir. Rus atalar sözləri
- Qızların yolu əvvəldir. Kitabi Dədə Qorqud
- Qonşu qonşu olsa kor qız ərə gedər. Azərbaycan atalar sözləri/Q
- Qonşu yaxşı olsa, çolaq qız da ərə gedər. Ləzgi atalar sözləri
- Qonşu yaxşı olsa, kor qız özünə ər tapacaq. Qırğız atalar sözləri
O
redaktə- Oğlan doğdum - oydu məni, qız doğdum - soydu məni. Azərbaycan atalar sözləri/O
Ö
redaktə- Öyünən qız ziyafətdə rüsvay olacaq. Özbək atalar sözləri
S
redaktə- Sən silkələnəcən qızlar qartıyacaq. Bir cənub şəhərində (film, 1969)
- Sevgisiz qız günəşsiz çiçək kimidir. Rus atalar sözləri
- Subay adamın gözü ilə qız alma, gəlin gözü ilə bez. Azərbaycan atalar sözləri/S
Ü
redaktə- Üzük tanınar qaşı ilə, qız - qardaşı ilə. Azərbaycan atalar sözləri
Y
redaktə- Yağışda atı seç, bayramda arvad seç: hər at yağışda parlayır və bayram üçün geyinmiş hər qız gözəl görünür. Tacik atalar sözləri
- Yaxşı igid dayısına çəkər, xanım qız bibisinə. Azərbaycan atalar sözləri/Y